44:34  speciem  tractet.  Hinc  colligere  licet  utilem  doctrinam,  quia  propheta  hic  non  alloquitur  homines  vel  dissolutos,  vel  qui  prius  essent  obliti  rectitudinis:  sed  sermonem  suum  dirigit  ad  optimos  quosque,  integerrimos  et  sanctissimos:  et  tamen  ostendit  non  aliud  illis  esse  remedium,  nisi  ut  modeste  et  patienter  ferant  castigationem  Dei.  Sequitur  ergo  non  posse  reperiri  perfectionem  inter  homines,  quae  Dei  iudicio  respondeat.  Nam  si  quis  obiiciat  se  operam  dedisse  rectitudini,  tamen  adhuc  iusta  ratio  est,  cur  se  ipsum  humiliet,  quandoquidem  obstricti  sumus  omnes  Deo,  et  nemo  potest  reatum  effugere:  quia  si  quis  interroget  propriam  conscientiam,  sentiet  se  non  carere  culpa.  Ergo  utcunque  nobis  bene  conscii  simus,  et  Deus  ipse  nobis  iudex  sit,  ac  spiritus  sanctus  testis  verae  et  sincerae  integritatis:  ubi  tamen  nos  Dominus  ad  suum  tribunal  citat,  discamus  omnes  fateri  a  minimo  usque  ad  maximum  nos  esse  obstrictos  eius  iudicio  et  obnoxios.  Postea  adiungit,  si  forte  (vel  forte)  abscondamini  in  die  irae  Iehovae.  Non  loquitur  dubitanter  propheta,  ac  si  fideles  incerti  essent  de  gratia  Dei.  Alibi  enim  diximus  non  posse  homines  vere  animari  ad  poenitentiam,  nisi  persuasi  sint  de  venia.  Sed  propheta  alio  respexit,  nempe,  quamvis  nihil  restaret  spei  secundum  communem  sensum,  fideles  tamen  non  perdituros  operam,  si  Deum  quaerant:  quia  in  rebus  desperatis  sentient  ipsum  sibi  propitium,  et  paratam  salutem  in  gratia  eius.  Videmus  ergo  prophetam  in  his  verbis  notare  difficultatem  in  re  ipsa,  non  autem  in  amore  Dei.  Quamvis  propensus  sit  Dominus  ad  veniam,  imo  ultro  suos  praeveniat,  et  eos  blande  ad  se  invitet:  tamen  necesse  est  simul  considerari  quam  admirabilis  sit  eius  virtus  in  servandis  electis,  ubi  omnia  videntur  esse  perdita.  Si  forte  ergo:  ut  intelligerent  Iudaei  omnia  tendere  ad  ultimam  desperationem,  et  hoc  dixit  propheta,  partim  ut  reprobi  et  obstinati  agnoscerent  sibi  esse  pereundum:  deinde,  ut  fideles  pluris  facerent  Dei  gratiam  quum  viderent  se  miraculo  eripi  ex  morte,  et  speciem  esse  resurrectionis,  quod  Deus  ipsorum  futurus  esset  liberator.  Ergo  propheta,  ut  commendet  filiis  Dei  salutem,  quam  illis  offert,  atque  illustret  melius  Dei  gratiam,  utitur  hac  voce  ^1K,  forte.  Interea  quemadmodum  iam  dixi,  fulminat  contra  reprobos,  ut  intelligant  de  se  prorsus  actum  esse.  Sequitur  :  4  Quia  Assa  derelicta  erit,  et  Askalon  in  vastationem,  Asdod  in  meridie  expellent,  et  Ekron  dissipabitur.  5.  Heus  habitatores  funiculi  maris  (vel  regionis)  gens  Cretim:  sermo  Iehovae  contra  vos  Cnaan,  terra  Philistim,  et  exterminabo  te,  ne  sit  habitator.  Hic  propheta  incipit  consolari  electos:  quia  ubi  pertransierit  vindicta  Dei,  quae  temporalis  futura  3