42:34  Antiochus  le  grand  tournera  sa  face  vers  les  isles,  et  qu'il  en  prendra  beaucoup,  et  qu'il  fera  des  choses  terribles,  qu'il  semblera  qu'il  doive  tout  engloutir,  mais  en  la  fin  un  prince  luy  fera  retourner  son  opprobre  sur  luy.  Or  ceci  advint  quand  il  se  voulut  eslever  contre  les  Romains,  le  roy  Philippes  qui  estoit  son  allie,  a  scavoir  le  roy  de  Macedone,  fut  vaincu,  non  pas  qu'il  fust  dechasse  de  son  royaume,  mais  aiant  perdu  la  bataille,  se  connoissant  estre  vaincu,  il  se  met  en  la  misericorde  des  Romains,  c'est  a  dire,  il  traitte  paix  avec  eux,  en  quoy  faisant  ils  luy  imposent  un  grand  tribut,  ils  luy  prennent  une  partie  des  villes  les  plus  fortes,  et  munies,  et  le  renvoient  a  un  coin  de  son  royaume,  comme  s'il  estoit  la  retire,  bref,  ils  luy  coupent  une  des  aisles,  pour  dire,  Tu  ne  pourras  plus  voller,  ils  luy  imposent  un  grand  tribut  (comme  i'ai  dit)  et  sur  cela  il  faut  qu'il  baille  encores  son  fils  en  hostage.  Or  voila  le  roy  Antiochus  qui  n'ha  plus  cette  alliance  la,  mais  il  fait  tant  qu'il  pratique  les  Etoliens  qui  estoient  un  peuple  asses  puissant:  ceux-la  se  sentans  offenses  des  Romains,  vont  prier  Antiochus  qu'ils  soient  ses  allies.  Or  les  Romains  d'autre  coste,  sachans  cela  sont  indignes,  car  ils  vouloient  avoir  cet  honneur  de  dire,  Nous  avons  garde  la  Grece  de  tous  ceux  qui  la  vouloient  molester,  et  sous  umbre  de  paix,  ils  font  tant  qu'ils  mettent  la  un  pied,  et  quand  ils  y  sont,  ils  monstrent  bien  de  quelle  affection  ils  sont  menes.  Les  Etoliens  voians  cela  viennent  au  roy  Antiochus,  et  font  tant  qu'ils  s'allient  a  luy,  et  luy  est  bien  aise  de  cela,  car  il  luy  semble  que  par  ce  moien  il  fera  monts  et  merveilles,  qu'il  fera  trembler  la  terre  devant  luy,  car  il  avoit  grosse  armee,  et  estoit  roy  de  l'Asie  mineur,  et  de  la  grande,  outre  la  montagne  de  Taurus,  et  voila  pourquoy  ii  se  faisoit  nommer  le  grand  roy,  ii  promet  donc  merveilles  aux  Etoliens,  tellement  qu'ils  se  submettent  quasi  du  tout  a  luy,  et  ne  faisoient  plus  sinon  porter  le  nom  d'Etolie,  cependant  ils  s'allient  (comme  i'ai  dit)  avec  Antiochus,  pensant,  voici  le  roy  qui  nous  pourra  bien  aider  a  repousser  les  Romains,  mais  les  Romains  estans  advertis  de  toutes  ces  menees  avisent  d'y  donner  ordre,  et  le  roy  Antiochus  qui  estoit  un  homme  adonne  a  delices,  ne  fait  nul  appareil  de  guerre,  sinon  qu'il  envoie  environ  dix  mille  hommes  aux  Etoliens  pour  les  secourir,  il  leur  sembloit  bien  que  la  mer  deust  estre  couverte  de  navires,  quand  l'armee  d'Antiochus  viendroit  a  leur  aide,  mais  ils  ne  voient  sinon  dix  mille  hommes  qui  sont  la,  et  encores  a  grande  peine  sont-ils  payes,  et  cette  ambassade  qui  leur  avoit  tant  promis  de  belles  choses,  il  leur  dit:  voies-vous  ce  qu'il  fait  maintenant,  est  seulement  pour  vous  monstrer  qu'il  veut  faire  la  guerre,  mais  il  ne  veut  pas  monstrer  son  grand  appareil  du  premier  coup.  Or  cependant  3