39:34  caret  Iehudah  vel,  ut  peccare  facerent  Utrumque  probabile  est,  et  duplex  est  etiam  lectio.  Quidquid  sit,  pronuntiat  eos  qui  fundati  non  sunt  in  lege,  nihil  aliud  quam  peccare  etiam  si  existiment  se  optimum  praestare  Deo  obsequium,  nempe  quia  debuerant  incipere  ab  illo  principio,  ut  scilicet  nihil  tentarent  nisi  ex  praescripto  legis.  Sequitur,  36.  Et  nunc  propterea  sic  dicii  Iehovah  Deus  Israel  ad  urbem  hanc  (vel,  de  urbe  hac),  de  qua  vos  dicitis,  Tradita  est  in  manum  regis  babylonii  in  gladio  j  et  fame,  et  peste.  37.  Ecce  [ego  congrego  eos  ex  omnibus  terris,  ad  quas  expulero  eos  in  ira  mea,  et  excandescentia  mea,  et  indignatione  magna:  et  reducam  eos  ad  locum  hunc,  et  habitare  faciam  secure.  Hactenus  ostendit  Deus  dignos  esse  Iudaeos  extremis  quibusque  poenis,  quas  iam  exegerat  a  regno  Israel,  nec  posse  de  immodico  rigore  conqueri,  etiamsi  urbe  deleta  et  templo  exciso  in  exsilio  putrescant  Polluerant  enim  terram,  quae  debuerat  Deo  sacra  esse,  et  ubique  sparserant  suas  abominationes,  ut  ne  templum  quidem  immune  esset  a  sordibus  et  inquinamentis:  neque  exiguo  tantum  tempore  ita  deliquerant,  sed,  quemadmodum  vidimus,  contempserant  omnes  admonitiones.  Et  quum  Deus  sollicitus  esset  de  ipsorum  salute,  superbe  reiecerant,  atque  etiam  exstinxerant  eius  gratiam.  Quum  ergo  tam  perdito  essent  ingenio,  et  prorsus  desperata  esset  eorum  impietas  propter  tantam  duritiem,  ostendit  Deus  iustam  se  mercedem  rependere  eorum  operibus,  quum  illos  prorsus  reiicit.  Sed  nunc  adiungit  promissionem  gratiae,  ut  ostendat  ita  se  fore  vindicem  scelerum,  ut  tamen  semper  habeat  rationem  gratuiti  foederis,  quod  pepigerat  cum  Abraham.  Diximus  autem  iam  saepius,  quoties  Deus  spe  aliqua  misericordiae  poenarum  acerbitatem  mitigat,  respicere  peculiariter  suos  electos.  Non  igitur  promiscue  ad  omnes  dirigitur  hic  sermo  quum  Deus  se  tandem  fore  exorabilem  et  propitium  affirmat:  quia  solos,  quemadmodum  dixi,  electos  suos  ad  bonam  spem  revocat.  Quoniam  ergo  aliquod  erat  residuum  semen  piorum  in  populo,  voluit  Deus  ipsis  consulere  ne  animos  penitus  desponderent.  Tenemus  ergo  nunc  prophetae  consilium.  Et  haec  doctrina  diligenter  notanda  est,  quia  alioqui  semper  aberrabimus  in  doctrina  prophetica,  nisi  sciamus  postquam  minati  sunt  reprobis,  et  Dei  contemptoribus,  postea  sermonem  convertere  ad  electos,  quo  patienter  et  aequis  animis  ferant  poenas  sibi  impositas,  quemadmodum  Ieremias  etiam  suo  exemplo  fideles  hortatur  ut  in  pulvere  os  suum  ponant:  deinde,  ut  patienter  exspectent  Deum,  quamvis  ad  tempus  absconderit  faciem  suam  a  Iacob,  hoc  est,  3