35:34  que  c'est  de  parler,  et  qui  ayent  mesmes  de  quoi  pour  enseigner,  il  n'est  point  question  que  tous  mettent  en  avant  ce  qui  leur  est  donne:  car  il  j  faut  ordre,  il  y  faut  mesure,  et  puia  il  y  a  quelque  honnestete  qui  doit  estre  gardee.  Voila  donc  ce  qui  nous  est  ici  monstre  a  l'exemple  d'Eliu,  quand  il  dit  qu'il  parlera,  voire,  mais  c'est  quand  il  voit  que  les  choses  ont  este  mal  conduites,  que  les  amis  de  Iob  ont  desguise  la  verite,  et  qu'ils  ont  soustenu  un  principe  qui  estoit  mauvais  et  faux.  Car  combien  qu'ils  ayent  eu  de  belles  raisons  et  apparentes  pour  le  colorer:  si  est-ce  neantmoins  que  le  fondement  sur  lequel  ils  ont  basti,  n'estoit  pas  bon:  et  Iob  de  son  coste  combien  qu'il  eust  iuste  cause,  toutes  fois  il  Pa  mal  demenee,  et  a  use  de  propos  exorbitans.  Eliu  donc  apres  avoir  paisiblement  escoute,  maintenant  qu'il  voit  que  Dieu  lui  donne  entree  et  accez,  il  en  use.  Et  outre  cela  il  y  est  contraint  aussi:  comme  il  le  monstre  quand  il  adiouste,  que  son  esprit  est  angoisse,  et  qu'il  est  semblable  a  un  baril  plein  de  moust.  Quand  on  mettra  du  vin  nouveau  en  un  baril,  et  qu'il  sera  enserre,  et  n'aura  point  d'issue,  le  baril  se  rompra  quand  le  vin  boust:  ainsi  Eliu  dit,  que  son  esprit  est  enserre,  comme  si  un  baril  estoit  plein  de  vin  nouveau,  et  qu'il  n'en  peust  plus,  et  qu'il  fallust  que  tout  esclatast.  Par  cela  il  signifie,  que  la  necessite  le  contraint  d'avancer  son  propos,  afin  que  la  cause  qui  a  este  mal  debatuo  soit  deduite  maintenant  par  raison.  Or  pource  qu'Eliu  parle  ici  avec  une  grande  vehemence,  aucuns  ne  cognoissans  pas  la  cause  ont  cuide  que  ce  fust  un  homme  d'un  esprit  hautain,  et  plein  de  vanterie.  Mais  en  premier  lieu  nous  voyons  que  Dieu  ne  l'a  point  condamne:  il  condamne  Iob,  il  condamne  ses  amis,  et  monstre  que  tous  ont  erre  ou  en  une  sorte,  ou  en  une  autre.  Eliu  cependant  est  iustifie.  Puis  que  Dieu  ne  le  condamne  point,  qui  sera  l'homme  mortel  qui  voudra  ici  usurper  ceste  authorite  de  iuger  par  dessus  Dieu?  C'est  donc  une  folie  par  trop  grande.  Et  au  reste  ceci  ne  doit  point  estre  trouve  si  nouveau:  car  nous  devons  retenir  ce  qui  a  este  declare  par  ci  devant,  c'est  assavoir  qu'Eliu  n'estoit  pas  comme  les  Prophetes  qui  ont  este  en  l'Eglise  de  Dieu.  Apres  que  Dieu  a  publie  sa  Loi  par  la  main  de  Moyse,  il  a  aussi  donne  la  promesse,  que  iamais  le  peuple  d'Israel  ne  seroit  destitue  qu'il  n'eust  des  Prophetes.  Car  il  est  escrit  au  dixhuictieme  du  Deuteronome,  Tu  n'iras  point  aux  sorciers  ni  aux  devins:  tu  n'auras  point  de  revelations  telles  que  les  Payens  cerchent:  tu  ne  courras  point  apres  beaucoup  de  sciences,  tu  ne  cercheras  point  aussi  de  t'informer  des  morts.  Car  ton  Dieu  te  suscitera  tousiours  un  Prophete  du  milieu  de  toi,  comme  s'il  disoit,  que  les  Payens  enquierent,  et  cerchent  beaucoup  de  3