34:34  monde  estime  que  nous  sommes  reprouvez  de  Dieu  :  car  le  diable  use  de  ceste  astuce-la,  afin  de  nous  mettre  en  desespoir.  Voila  un  povre  homme  qui  sera  batu  des  verges  de  Dieu  :  or  le  mal  qu'il  endure  lui  est  desia  assez  pesant:  sur  cela  si  on  vient  encores  lui  ietter  double  fardeau  sur  le  dos,  et  qu'on  lui  reproche  qu'il  appert  bien  qu'il  est  du  tout  reprouve  de  Dieu,  voila  pour  l'accabler.  Car  ie  ne  parle  point  de  ces  meschans  obstinez  que  Dieu  afflige  pour  leurs  pechez  :  mais  ie  parle  ici  de  ceux  qui  auront  chemine  droitement,  et  neantmoins  Dieu  ne  laisse  pas  encores  de  les  affliger:  il  est  vrai  qu'ils  l'ont  bien  merite,  mais  ii  n'a  point  du  tout  regard  a  cela  :  il  veut  aucunesfois  les  mortifier  pour  l'advenir:  pource  qu'ils  ne  sont  point  encores  assez  domtez,  il  faut  qu'il  retranche  toutes  les  mauvaises  affections  qui  sont  en  eux:  et  puis  il  leur  veut  apprendre  qu'il  est  necessaire  de  l'invoquer,  et  de  mettre  toute  leur  fiance  en  lui,  il  veut  aussi  declarer  leur  patience.  Voila  donc  une  bonne  personne  qui  tendra  a  Dieu,  qui  aura  chemine  en  simplicite  :  cependant  elle  aura  des  afflictions  grandes.  Est-ce  a  dire  pourtant  que  Dieu  le  recognoisse  estre  plus  grand  pecheur  que  les  autres?  Et  cependant  si  on  lui  vient  mettre  cela  en  avant,  c'est  bien  pour  le  ietter  en  desespoir.  Ainsi  a-on  fait  a  Iob.  Notons  bien  donc  que  ceste  tentation  est  fort  dure  et  pesante:  et  pourtant  que  nous  advisions  de  recourir  au  remede  dont  nous  devons  user,  c'est  assavoir,  que  nous  nous  presentions  devant  Dieu,  sans  nous  attacher  par  trop  aux  hommes,  comme  desia  Iob  a  traitte  ci  dessus.  Mes  amis  (dit-il)  sont  rhetoriqueurs  contre  moi.  Il  signifie  que  ceux  qui  le  devoyent  consoler,  et  appaiser  sa  douleur  en  partie,  eux-mesmes  ont  prins  plaisir  a  se  moquer  de  lui:  car  ceste  rhetorique  dont  il  parle,  n'est  sinon  qu'ils  ont  affile  leurs  langues  pour  se  moquer  de  lui,  pour  le  tormenter,  et  pour  le  rendre  la  confus.  Ceci  est  advenu  a  Iob,  afin  qu'il  nous  fust  en  exemple.  Ainsi  donc  quand  il  plaira  a  Dieu  de  nous  affliger,  si  le  monde  iuge  mai  de  nous,  et  que  plusieurs  prenent  occasion  de  nous  condamner,  comme  si  iamais  nous  n'avions  eu  affection  droite:  prenons  le  tout  en  patience,  sachans  que  c'est  une  partie  de  nostre  croix,  quand  nostre  Seigneur  suscite  ainsi  les  hommes,  et  que  Satan  machine  de  nous  ruiner;  mais  qu'il  faut  que  nous  remedions  a  un  tel  mal,  comme  Iob  nous  le  declare.  Et  comment?  Que  nos  yeux  decoulent  larmes  a-  Dieu.  Et  pourquoi?  Nous  verrons  que  les  hommes  nous  vienent  ainsi  fascher:  et  pourtant  nous  voudrons  nous  rebecquer  contr'eux  pour  les  repousser.  Et  comment?  O  on  me  fait  grand  tort,  voila  une  grande  cruaute  de  me  traitter  en  telle  sorte.  Il  est  vrai  que  nous  pourrons  bien  faire  une  telle  protestation:  mais  3