33:34  nous  verrons  ci  apres  pourquoy  ceci  nous  est  recite  :  car  sa  patience  a  este  tant  plus  louable  quand  estant  despouille  d'un  si  gros  bien,  estant  mis  a  povrete  extreme,  toutesfois  il  est  demoure  paisible,  comme  s'il  avoit  perdu  bien  peu  de  chose.  Voila  donc  Dieu  qui  l'a  tant  mieux  experimente.  Mais  cependant  notons  quelle  a  este  la  vertu  de  Iob,  quand  les  richesses  ne  l'ont  point  aveugle  en  orgueil,  et  n'ont  point  fait  qu'il  s'attachast  par  trop  au  monde,  ou  qu'il  quitfcast  le  service  de  Dieu  :  comme  nous  voyons  que  beaucoup  sous  ombre  qu'ils  sont  riches,  sont  si  fiers,  qu'il  est  impossible  de  les  donter,  ils  abusent  de  leur  credit  pour  opprimer  les  povres  gens,  et  outre  ce  qu'ils  sont  pleins  de  cruaute,  il  y  a  aussi  bien  des  pompes,  tellement  que  les  richesses  ont  beaucoup  de  mauvaises  queues.  Ce  n'est  point  donc  en  vain  qu'il  nous  est  ici  dit,  que  Iob  estant  ainsi  riche,  neantmoins  a  tousiours  persiste  au  service  de  Dieu,  et  qu'il  s'est  tenu  en  ceste  simplicite,  dont  il  est  ici  fait  mention.  Or  a  son  exemple  les  riches  de  ce  monde  sont  admonnestez  de  leur  devoir,  c'est  qu'ils  regardent  bien  quand  Dieu  leur  a  mis  abondance  entre  mains,  qu'ils  n'y  soyent  point  enveloppez,  comme  aussi  le  Pseaume  les  exhorte:  et  puis  suyvant  ce  que  sainct  Paul  dit  a  Timothee  (1.  Tim.  6,  17),  Qu'ils  ne  soyent  point  eslevez  en  fierte,  et  qu'ils  ne  mettent  point  leur  esperance  aux  choses  caduques  de  ce  monde,  et  ou  il  n'y  a  nulle  certitude:  car  celuy  qui  est  auiourd'-  huy  bien  riche,  pourra  estre  appovri  demain,  quand  il  plaira  a  Dieu.  Ainsi  donc,  voyans  que  ces  biens  ici  sont  fragiles,  et  que  nous  en  pouvons  estre  tantost  privez,  les  riches  (dit  S.  Paul)  doivent  bien  regarder  a  eux,  pour  ne  point  s'appuyer  la  dessus,  et  ne  faire  point  une  idole  de  leurs  biens,  comme  s'ils  estoyent  certains  de  les  posseder,  et  d'en  iouir  a  tousiours,  mais  qu'ils  soyent  presto  de  les  resigner.  Efc  en  somme  (comme  il  est  dit  en  un  autre  passage)  (1.  Cor.  7,  29)  que  ceux  qui  ont  et  3