32:34  filiis  revocari  in  memoriam.  Scimus  quam  proclivis  in  eorum  imitatione  sit  lapsus,  nam  et  licitum  videtur  quidquid  invaluit,  et  vetustas  semper  aliquam  reverentiam  sibi  vendicat:  et  domestica  exempla  nos  excaecant,  ut  sine  delectu  loco  virtutis  arripiant  posteri  quidquid  a  maioribus  profectum  est.  Itaque  videmus  quam  audacter  in  papatu  patrum  autoritas  verbo  Dei  opponi  soleat.  Adde  quod  Iudaei,  quibus  mos  erat  gloriari  in  patribus,  facilius  hac  in  parte  decepti  fuissent.  Ideoque  non  abs  re  propheta  eos  a  patribus  suis  abducit,  quod  detestabilis  fuerit  eorum  ingratitudo.  Altera  est  ratio  quam  prius  attigi,  ut  scirent  necessario  se  admoneri.  Nam  si  nulla  fuisset  patrum  rebellio,  excipere  proptum  erat,  Quorsum  praecipis  ne  obduremus  corda,  quando  hactenus  genus  nostrum  docile  ac  morigerum  fuit?  Quum  vero  patres  eorum  ab  initio  duri  fuerint  ac  praefracti,  Propheta  non  de  nihilo  se  in  hoc  vitio  corrigendo  nunc  insistere  docet.  Quae  sequuntur,  possunt  bifariam  exponi.  Nam  quum  tentare  Deum,  nihil  aliud  sit  quam  pravo  et  illicito  voto  efferri  ad  quaerendum  virtutis  eius  experimentum:  uno  contextu  legi  posset,  Tentaverunt  me  et  probaverunt,  quamvis  iam  opus  meum  vidissent.  Et  certe  iusta  haec  Dei  querimonia  fuit,  quum  tot  documentis  testatam  praeclare  fecisset  suam  potentiam  apud  eos,  quaesisse  tamen  novam  probationem.  Potest  tamen  probandi  verbum  aliter  sumi,  hoc  modo,  Tentarunt  me  patres  vestri,  quum  ad  tot  mea  beneficia  caecutientes  quaererent  ubinam  esset  Deus.  Probarunt  igitur,  hoc  est,  re  ipsa  experti  sunt  :  quia  non  destiti  apud  eos  praesentiae  meae  signa  palam  exserere,  adeoque  viderunt  opus  meum.  Utrumvis  sensum  eligas,  huc  tendit  consilium  prophetae,  minus  excusabiles  fuisse  Iudaeos,  quod  Dei  virtutem  de  qua  tot  experimentis  edocti  fuerant,  quasi  incognitam  patefieri  sibi  cuperent.  Quaerendo  cur  illos  Deus  destitueret  cibo  et  potu,  etiamsi  nullum  ante  signum  datum  esset,  suam  intemperiem  prodebant:  sed  quum  Deus  exserta  manu  traxisset  eos  ex  Aegypto,  totque  luculentis  testimoniis  se  illis  propinquum  esse  monstrasset,  ubi  dubitant  de  eius  praesentia  ac  si  ante  fuisset  absconditus,  perversa  oblivio  crimen  auget.  Itaque  omnibus  expensis,  sic  resolvere  malo  prophetae  verba:  Tentaverunt  me  patres  vestri,  quum  tamen  satis  superque  probassent,  hoc  est  sensissent  veris  et  claris  documentis  nae  suum  esse  Deum,  imo  opera  mea  illis  fuissent  conspicua-  Atque  haec  doctrina  aeque  ad  nos  pertinet,  nam  quo  melius  testata  nobis  fuerit  Dei  gratia  et  virtus,  si  adhuc  expetimus  novas  eius  probationes,  eo  deterior  est  nostra  impietas,  sicuti  hodie  videmus  multos  miracula  flagitare,  alios  expostulare  cum  Deo,  nisi  eorum  votis  obtemperet.  Quaeritur  tamen,  cur  propheta,  tot  historiis  praeteritis,  mentionem  tantum  fecerit  Meriba.  Nam  quum  in  ipso  maris  transitu  iam  3