31:34  Or  combien  qu'estant  de  long  temps  accoustume  a  humer  telles  iniures,  i'y  soye  quasi  endurci,  il  ne  se  peut  toutesfois  faire  que  quand  l'insolence  de  telles  gens  croist  et  augmente  tousiours,  ie  ne  sente  quelques  fois  en  mon  coeur  quelques  pointes,  d'amertume.  Mais  encore  ce  n'estoit  pas  assez  d'estre  traitte  ainsi  inhumainement  par  mes  voisins,  sinon  qu'en  un  pays  lointain  vers  la  mer  glacee  le  temps  se  troublast  aussi  ie  ne  scay  comment  par  la  phrenesie  d'aucuns,  pour  puis  apres  faire  lever  contre  moy  comme  une  nuee  de  gens  qui  sont  trop  de  loisir,  et  n'ont  que  faire  s'ils  ne  s'escarmouschent  a  empecher  ceux  qui  travaillent  a  edification.  Ie  parle  encore  des  ennemis  domestiques  de  l'Eglise,  ascavoir  de  ceux  lesquels  se  vantans  bravemen|;  de  l'Evangile  de  Christ,  se  ruent  contre  moy  d'une  impetuosite  plus  grande  que  ne  font  pas  les  adversaires  manifestes:  et  d'iceux  ie  puis  protester  a  l'exemple  de  David,  que  quand  ie  cherche  paix,  ils  s'esmeuvent  a  faire  guerre.  Or  l'ingratitude  barbare  de  tous  eeux~la  se  monstre,  en  ce  qu'ils  ne  font  point  de  difficulte  d'assaillir  et  a  coste  et  par  derriere,  celuy  lequel  s'employe  fort  mesmes  a  maintenir  une  cause  qu'ils  ont  commune  avec  luy,  et  qui  pourtant  devoit  par  eux  estre  aide  et  secouru.  Certes  s'il  y  avoit  en  telles  gens  une  goutte  d'humanite,  la  fureur  des  Papistes  qui  se  iette  contre  moy  d'une  impetuosite  desbordee,  devoit  appaiser  toutes  les  plus  grandes  haines  qu'ils  ayent  contre  moy.  Mais  puis  que  la  condition  de  David  a  este  telle,  qu'ayant  fait  beaucoup  de  plaisir  et  proufit  a  son  peuple,  il  a  toutesfois  sans  occasion  este  hay  de  plusieurs  (comme  il  se  complaind  qu'il  a  paye  ce  qu'il  n'avoit  point  ravi)  quand  ie  me  suis  veu  sans  cause  estre  assailli  des  haines  de  ceux  lesquels  me  devoyent  aider  et  soulager,  ce  m'a  este  une  grande  consolation  de  me  conformer  a  l'exemple  d'un  tel  personnage  et  si  excellent.  Et  mesme  ceste  cognoissance  et  experience  m'a  de  beaucoup  servi  pour  entendre  les  Pseaumes,  afin  que  ie  ne  m'y  trouvasse  trop  nouveau  comme  en  un  pays  incognu.  Et  de  faict,  les  lecteurs  (comme  ie  pense)  recognoistront  qu'en  declarant  les  affections  interieures  tant  de  David  que  des  autres,  i'en  parle  comme  de  choses  desquelles  i'ay  familiere  cognoissance.  Au  reste,  comme  ainsi  soit  que  i'aye  mis  peine  en  bonne  conscience  de  communiquer  ce  thresor  a  tous  fideles,  encore  que  ie  n'y  aye  pas  tant  fait  que  i'eusse  bien  desire,  si  est-ce  que  le  devoir  que  i'en  ay  fait  merite  qu'on  m'en  scache  quelque  gre.  Toutesfois  ie  ne  requier  autre  chose,  sinon  que  chacun  iuge  de  mon  labeur  en  bonne  equite,  selon  le  proufit  et  le  fruit  qu'il  en  sentira.  Tant  y  a  que  seulement  en  lisant  ces  Commentaires,  on  pourra  veoir  a  l'oeil  que  ie  n'ay  point  cherche  de  plaire,  sinon  entant  qu'il  y  avoit  quant  et  quant  moyen  3  34