29:34  visible:  comme  il  est  dit  que  la  foy  est  un  miroir  des  choses  qui  ne  se  voyent  point:  et  puis,  qu'elle  est  un  fondement  des  choses  qui  sont  absentes  et  eslongnees  de  nous.  Combien  donc  que  nostre  felicite  ne  se  declaire  point  du  premier  coup,  qu'il  semble  quand  nous  servons  a  Dieu  que  nous  soyons  miserables,  que  les  incredules  se  mocquent  de  nous,  qu'il  nous  tiennent  comme  le  pied  sur  la  gorge,  que  nous  soyons  affligez  d'eux:  toutesfois  ne  laissons  pas  de  conclure  que  nous  ne  serons  point  frustrez,  ayans  mis  nostre  esperance  en  Dieu.  Et  pourquoy?  Car  il  y  a  une  bonne  issue:  attendons  patiemment  iusques  a  ce  que  Dieu  nous  delivre  des  afflictions  et  miseres  esquelles  nous  sommes  auiourd'huy.  Que  donc  nous  appliquons  la  nostre  science,  c'est  assavoir  a  ceste  issue  que  Dieu  nous  a  promise.  Et  puis  que  cependant  nous  regardions  aussi  ses  menaces,  et  qu'elles  nous  tiennent  en  bride:  et  combien  que  les  meschans  provoquent  Dieu,  et  qu'ils  ne  sont  point  redarguez  du  premier  coup,  pource  que  Dieu  voit  qu'ils  ne  sont  pas  dignes  d'estre  chastiez  de  sa  main  :  que  toutesfois  nous  ne  soyons  point  esbahis  pour  cela:  mais  que  nous  cognoissions,  ce  n'est  point  sans  cause  que  Dieu  menace  ainsi  les  transgresseurs  de  sa  Loy.  Ainsi  faisons  nostre  procez,  pour  prevenir  la  condamnation  qui  autrement  nous  seroit  apprestee.  Yoila  (di-ie)  ce  que  nous  avons  a  retenir  au  mot  $issue,  duquel  parle  ici  Moyse.  Or  cependant  nous  voyons  la  bonte  de  Dieu  ici  exprimee  d'une  facon  admirable,  quand  il  entre  en  complainte  et  regret,  comme  s'il  estoit  un  homme  passible:  O  si  ce  peuple  (dit-il)  eust  este  bien  advise!  Il  est  vray  que  nostre  Seigneur  n'est  point  subiect  a  nos  passions:  mais  il  use  d'une  telle  forme,  monstrant  que  l'amour  qu'il  nous  porte  surmonte  celuy  de  tous  les  peres  terriens.  Et  ainsi,  c'est  en  somme  pour  nous  advertir,  que  quand  a  nostre  escient  nous  allons  en  perdition,  et  que  nous  reiettons  la  grace  qui  nous  estoit  offerte  pour  nostre  salut:  qu'alors  nous  contristons  l'Esprit  de  Dieu:  comme  il  en  est  parle  au  Prophete  Isaie.  Et  c'est  autant  comme  si  nous  donnions  a  Dieu  des  coups  de  poignard,  ainsi  qu'il  s'en  complaint  aussi  par  son  Prophete  Zacharie.  Voila  en  somme  ce  que  nous  avons  a  retenir  de  ce  passage.  Or  si  tout  cela  estoit  bien  engrave  en  nos  coeurs,  ie  vous  prie,  ne  seroit-ce  pas  pour  nous  faire  avoir  en  detestation  tous  nos  pechez?  Quand  un  homme  sera  induit  par  Satan  a  offenser  son  Dieu,  si  cest  article  luy  venoit  en  memoire:  Comment?  tu  contristes  ton  Dieu,  tu  luy  donnes  occasion  d'entrer  en  complainte  et  en  regret:  comme  un  pere,  quand  il  voit  ses  enfans  desbordez  et  incorrigibles,  il  concoit  une  amertume  et  une  angoisse  en  soy.  Cela  est  pour  luy  navrer  le  coeur.  Ainsi,  Dieu  declaire  que  nous  contrigtons  3