27:34  rebecquer  contre  Dieu,  quand  il  nous  est  difficile  de  faire  ce  qu'il  nous  commande:  que  ceci  nous  vienne  au  devant:  Miserable  creature!  la  Loy  de  ton  Dieu  t'est-elle  pesante  et  fascheuse?  Et  que  demande-il  de  toy?  A  quoy  pretend-ii?  Il  demande  que  tu  l'honoreSj  que  tu  l'aimes,  et  que  tu  le  serves  :  et  seras-tu  ici  un  monstre  en  despit  de  nature?  La  vie  que  ton  Dieu  t'a  donnee  sera-elle  pour  te  faire  rebecquer  a  l'encontre  de  luy?  despitteras-tu  ton  createur  qui  t'a  cree  et  forme,  et  qui  te  maintient?  Ne  vaudroit-il  pas  mieux  que  le  ciel  et  la  terre  se  fussent  meslez  par  ensemble,  que  tout  fust  confus,  que  de  dire  que  tu  ne  tiennes  conte  de  ton  Dieu,  et  mesmes  que  tu  le  despittes  de  propos  delibere,  et  qu'il  n'y  ait  ne  Loy,  ni  escriture  qui  te  puisse  ranger  a  telle  obeissance,  que  tu  donnes  gloire  a  ton  Dieu?  N'est-ce  pas  raison  que  Dieu  soit  servi  de  nous,  quand  il  desploye  sur  nous  une  telle  bonte,  qu'il  declaire  qu'il  nous  veut  estre  pere:  et  sur  tout  quand  il  a  plante  en  nous  la  foy  de  son  Evangile?  Comme  si  la  terre  est  en  vigueur,  qu'elle  produise  tousiours  quelque  chose  pour  monstrer  qu'elle  a  substance  la  dedans:  ainsi  faut-il,  quand  Dieu  nous  a  donne  intelligence  et  raison  par  dessus  les  bestes  brutes,  que  nous  cognoissions  que  c'est  afin  que  celuy  qui  nous  a  formez,  soit  aussi  cogneu  de  nous,  voire  pour  le  servir,  et  honorer,  pour  plier  sous  luy  en  toute  humilite,  sachans  qu'il  doit  avoir  empire  souverain  sur  toutes  creatures.  Ainsi  notons  bien  que  quand  nous  serons  tentez  de  nous  rebecquer  contre  Dieu,  et  que  sa  Loy  nous  semblera  trop  pesante,  et  que  nos  affections  y  resisteront,  ou  qu'elles  tendront  tout  a  l'opposite:  que  pour  batailler  contre  une  telle  perversite  de  nostre  nature,  nous  reduisions  en  memoire  ce  qui  est  ici  declare:  Qu'est-ce  que  ton  Dieu  demande  de  toy?  Car  il  est  certain  que  nous  devons  estre  plus  que  confus.  Que  respondrons  nous  devant  les  Anges  de  paradis  quand  ce  mot  ici  nous  sera  propose?  Car  il  sera  bien  ramenteu  a  tous  ceux  qui  n'ont  tenu  conte  d'obeir  a  Dieu,  a,  tous  les  contempteurs  de  Dieu,  et  de  sa  parolle:  mais  encores  quand  les  Anges  n'en  seroyent  point  iuges,  voila  les  boeufs  les  asnes,  les  chiens,  les  pierres  mesmes,  et  les  arbres  nous  pourront  iuger:  car  telles  creatures  retiennent  ceste  inclination  naturelle  d'obeyr  a  Dieu.  Mais  que  sera-ce  quand  ce  mot  nous  sera  reproche,  que  Dieu  nous  proposera  de  sa  bouche  sacree:  Qu'est-ce  que  i'ay  demande  de  vous?  I'ay  demande  d'estre  honore,  et  aime.  Voila  en  somme  ce  que  contient  ma  Loy.  Ie  vous  ay  aime,  et  ay  voulu  estre  aime  de  vous:  estiez-vous  dignes  que  ie  vous  receusse,  et  que  ie  vous  aimasse,  quand  vous  avez  tire  tout  au  rebours  de  ma  volonte?  Voila  donc  ce  qui  nous  doit  tenir  en  bride  toutes  fois  et  quantes  que  nous  ne  pouvons  plier  en  l'obeissance  de  3