26:34  une  audace  desesperee,  que  quoy  qu'il  y  ait,  qu'ils  poursuyvent  tousiours  :  quand  donc  nous  leur  verrons  ainsi  ietter  feu  et  flamme,  ne  soyons  point  estonnez  pourtant.  La  raison  ?  Dieu  les  fera  escouler  comme  eau,  quand  se  viendra  a  la  necessite.  Ainsi  donc  que  ceste  temerite  diabolique  qu'auront  les  meschans  pour  ruiner  les  enfans  de  Dieu,  et  pour  les  fascher,  et  pour  mettre  troubles  par  tout,  ne  nous  face  point  perdre  courage,  combien  qu'ils  nous  poursuyvent  mortellement.  La  raison?  Dieu  y  pourvoyera  en  telle  sorte,  qu'il  fera  craindre  a  nostre  ombre  ceux  qui  semblent  auiourd'huy  avoir  la  gueulle  ouverte  pour  tout  engloutir,  qu'ils  semblent  estre  des  gouffres  d'enfer:  Dieu  y  besongnera  en  telle  sorte,  qu'ils  ne  seront  point  dignes  d'estre  accomparez  aux  petis  enfans.  Ainsi  donc  notons,  quand  il  est  declare  que  Dieu  tient  ainsi  les  coeurs  des  hommes  en  sa  main:  qu'il  nous  faut  tousiours  regarder  plustost  a  luy,  que  de  nous  arrester  ici  bas,  quand  nous  voyons  des  obiets  qui  sont  pour  nous  estonner.  Et  en  ce  faisant,  iamais  nous  ne  serons  confus.  Il  y  ha  d'avantage,  que  Moyse  adiouste  :  Qu'il  a  envoye  vers  Sehon  avec  parolle  de  paix,  en  disant:  Laissez-nous  passer  par  ton  pays:  nous  acheterons  le  pain  et  Veau,  nous  ne  ferons  nulle  nuisance,  nous  y  passerons  comme  amis,  comme  nous  avons  fait  envers  nos  freres  les  Idumeens.  Il  semble  bien  de  prime  face,  qu'ici  Moyse  soit  contrevenu  a  ce  qui  luy  estoit  commande.  Car  ce  sont  deux  choses  bien  diverses:  Va,  presente  la  bataille  a  Sehon  roy  des  Amorrheens:  et  que  Moyse  au  lieu  de  luy  presenter  la  bataille,  au  lieu  de  chocquer,  envoye  ambassades  vers  luy,  pour  le  prier,  qu'il  les  laisse  seulement  passer  par  son  pays,  et  qu'ils  ne  feront  nulle  nuisance,  mais  qu'ils  acheteront  tout.  On  pourroit  donc  trouver  ici  quelque  contrariete:  et  s'il  estoit  ainsi,  Moyse  auroit  este  rebelle  a  Dieu.  Mais  notons,  quand  Dieu  a  commande  qu'on  presentast  la  bataille  a  Sehon  roy  des  Amorrheens:  qu'il  a  voulu  devant  toutes  choses  que  la  guerre  fust  licite,  et  que  Sehon  fust  convaincu,  qu'il  estoit  iustement  assailli  par  le  peuple  d'Israel.  Cela  donc  n'empesche  point  que  Dieu  n'ait  ordonne  un  moyen  a  son  peuple  d'avoir  guerre  legitime  contre  Sehon,  et  tous  ses  subiets.  Quand  il  dit:  Ie  vous  donne  sa  terre  en  possession.  Il  falloit  que  la  malice  de  Sehon  se  declarast,  et  qu'elle  fust  descouverte,  et  qu'on  cogneust  que  c'estoit  a  iuste  tiltre  que  le  peuple  d'Israel  l'avoit  desconfi.  Car  quand  Dieu  avoit  promise  la  terre  de  Canaan  a  son  peuple  :  ce  n'estoit  pas  encores  ce  pays,  c'estoit  un  accessoire  que  Dieu  donne:  il  estend  sa  liberalite  plus  outre  que  la  promesse  qu'avoit  receu  Abraham  ne  contenoit.  Et  ainsi,  Sehon  n'estoit  pas  encores  ennemi  declare  du  peuple  d'Israel.  Et  si  du  premier  coup  sans  luy  signifier  la  guerre,  on  l'eust  deffie  3