21:34  34  d'haleine,  outre  son  mal  ordinaire  de  la  migraine,  il  a  traduit  luy-mesmes  de  bout  en  bout  ce  gros  volume  de  ses  Commentaires  sur  les  quatre  derniers  livres  de  Moyse,  reconfere  la  translation  du  premier,  fait  ce  livre  sur  Iosue,  et  reveu  la  plus  grand  part  de  la  traduction  et  des  annotations  du  Nouveau  Testament,  de  sorte  qu'il  n'a  iamais  cesse  de  dicter  que  huict  iours  devant  sa  mort,  la  voix  mesme  luy  defaillant.  Outre  les  peines  innumerables  et  propres  a  sa  charge,  en  toutes  les  difficultez  et  perils  ou  s'est  trouvee  ceste  povre  Cite,  assaillie  par  dedans  par  plusieurs  mutins  et  desesperez  citoyens,  tormentee  par  dehors  en  cent  mille  sortes,  menacee  des  plus  grands  rois  et  princes  de  la  Chrestiente,  d'autant  qu'elle  a  tousiours  este  le  refuge  et  la  defense  de  tous  les  povres  enfans  de  Dieu  affligez  en  France,  Italie,  Espagne,  Angleterre  ou  ailleurs,  il  a  falu  que  Calvin  ait  soustenu  le  plus  pesant  fardeau.  Brief  il  pouvoit  bien  dire  avec  S.  Paul  :  Qui  est  celuy  qui  est  [page  29]  trouble  que  ie  n'en  brusle?  Et  n'estoit  point  sans  cause  que  chacun  avoit  son  refuge  a  luy:  car  Dieu  luy  avoit  tant  departi  de  prudent  et  bon  conseil  que  iamais  homme  ne  se  trouva  mal  de  l'avoir  suivi,  mais  bien  en  ay-ie  trop  veu  qui  sont  tombez  en  extremes  inconveniens  pour  ne  l'avoir  voulu  croire.  Cela  s'est  ainsi  trouve  par  infinies  experiences,  mais  sur  tout  es  seditions  advenues  l'an  48,  54  et  55  pour  rompre  la  discipline  de  l'Eglise,  esquelles  s'estant  mis  tout  nud  au  travers  des  espees  desgainees,  par  sa  seule  presence  et  parole  il  a  tellement  effraye  les  plus  [fol.  6]  desesperez  mutins  qu'ils  estoyent  contraints  de  donner  gloire  a  Dieu.  Le  pareil  se  monstra  en  .la  conspiration  Catilinaire  qui  fut  faite  la  mesme  annee  55,  pour  meurtrir  en  une  nuict  tous  les  Francois,  par  le  capitaine  de  la  ville  nomme  Amied  Perrin  et  ses  complices,  laquelle  coniuration  ayant  attire  une  infinite  de  dangers  et  travaux,  a.  la  fin  le  Seigneur  par  sa  grande  grace  et  par  la  prudence  de  son  serviteur  a  conduite  a  telle  issue  qu'on  la  voit:  c'est  a  dire  en  la  plus  grande  tranquillite  et  felicite  qui*  ait  iamais  sentio  ceste  Cite.  Quant  a  son  vivre  ordinaire,  chacun  sera  tesmoin  qu'il  a  este  tellement  tempere  que  d'exces  il  n'y  en  eut  iamais,  de  chichete  aussi  peu,  mais  une  mediocrite  louable  [page  30]  ,  hors  mis  qu'il  avoit  par  trop  peu  d'esgard  a  sa  sante,  s'estant  contente  par  plusieurs  annees  d'un  seul  repas  pour  le  plus  en  vingtquatre  heures,  et  iamais  ne  prenant  rien  entredeux:  tellement  que  tout  ce  que  les  Medecins  luy  ont  peu  persuader  quant  a  ce  poinct,  a  este  qu'environ  demi  an  durant  sa  derniere  maladie  il  prenoit  par  fois  quelque  petit  de  vin  et  humoit  un  oeuf  environ  le  Midi.  Ses  raisons  estoyent  l'imbecillite  de  son  estomach  et  la  migraine  a  laquelle  iL  3