16:34  evangelium,  quam  id  turpe  ducendum,  hostem  pietatis  potuisse  civem  ducere  et  fratrem  factum  excludere  civitate,  impium  ad  foedus  amicum  admissum  et  pium  factum  dimissum.  Et  non  tantum  in  hoc  ut  incumbas  te  etiam  etiam*  rogo,  et  tecum  pios  omnes  qui  aliquid  possunt,  verum  etiam  pro  longe  maiori  magisque  necessaria  pace  et  concordia,  nimirum  omnium  ecclesiarum.  Sane  super  coena  Domini  scribemus  multa  hinc  inde  :  non  video  posse  dissidium  tolli,  nisi  coram  verbis  amicis  agatur.  Quanta  opus  fuisset  scriptione  super  dissidio  circumcisionis  et  oneris  legis?  Si  Paulus  coram  non  egisset,  nunquam  impetrasset  eum  quem  evicit  consensum.  Habent  suam  vim  scripta,  fateor:  sed  vult  Dominus  coram  verbis  agi,  ubi  potest  fieri.  Hic  te  instare,  per  Christum  te  rogo,  ut  tandem  convenire  detur  quos  nosti.  Principes  sollicitandi  sunt  et  omnia  per  te  et  alios  agenda  quae  huc  faciunt.  Christus  per  te  efficiat  hoc  tam  necessarium.  Difficile  sane  videtur,  imo  difficillimum.  Sed  quid  non  reddit  expeditum  is  cui  nihil  est  impossibile?  Neocomi  16.  Febr.  1556.  Tuus  ex  animo  Farellus.  2390.  VERMILIUS  CALVINO.  Gratias  ei  agit  de  libello  contra  Westphalum  sibi  misso,  quo  et  hunc  ad  silentium  redactum  iri  sperat  et  doctrinam  sacramentariam  veritati  et  luci  suae  redditam  esse  affirmat  (Impressa  exstat  in  Petri  Martyris  Vermilii  locis  communibus  editis  ap.  Froschoverum  1580  fol  579  )  Sum,  vir  clarissime  idemque  mihi  Christi  sensu  et  mente  coniunctissime,  tuo  libello  *)  quem  ad  me  misisti  plurimum  delectatus.  Illum  una  nocte  non  perlegi,  sed  voravi  potius.  Nam  tabellarius,  quum  illum  mihi  reddidisset,  crastino  die  abire  voluit.  De  illo  sic  iudico:  qui  eum  attente  legerit,  duo,  et  illa  quidem  non  vulgaria,  eadem  opera  consequetur.  Primum,  eucharisticam  controversiam  notissimam  et  perspectissimam  habebit,  quam  Deus  (ut  bonus  est)  voluit  nostra  aetate  Christi  ecclesiis  rursus  manifestare.  Nam  sic  erat  obscurata  et  adeo  tenebris  involuta,  ut  veritatis  eius  vix  tenue  aliquod  vestigium  exstaret,  quod  sane  a  paucis  admodum  2390.1)  Secunda  defensione.  Vide  Prolegg.  Tomi  IX.  3