15:34  Quod  si  Deus  non  summo  iure  peraeque  illum  atque  hunc  prosequitur,  quid  hic  conqueri  potest  qui  se  digna  praemia  reportat,  aut  ille  gloriari  qui  a  commento  Dei  odio  et  supplicio  gratis  liberatus  est?  Non  est  enim  volentis  neque  currentis,  sed  miserentis  Dei.  Nec  si  dicere  non  licet:  Non  est  Dei  miserentis,  sed  volentis  et  currentis,  nec  dicere  etiam  licet:  partim  esse  volentis  ac  currentis,  partim  Dei  miserentis,  quum  posterius  hoc  pronunciatum  alterum  iliud  in  se  includat.  Neque,  quum  dicimus  non  esse  volentis  neque  currentis,  intelligimus  illos  a  Deo  reiici  ac  repudiari  qui  velint  et  currant.  Quis  enim  hoc  potest  nisi  quoad  concessum  sit  a  Deo?  Sed  hoc  potius  solius  misericordiae  Dei  munus  esse,  sine  cuius  ope  et  proprio  dono  quisquam  nec  velle  potest  nec  currere,  ac  proinde  neque  nostram  voluntatem,  neque  nostra  opera  huius  esse  misericordiae  causam,  et  allatae  per  eam  salutis,  sed  solam  Dei  bonam  voluntatem.  Huc  pertinet  quod  paulo  ante  dixit:  Iacobum  dilexi,  Esau  autem  odio  habui,  quum  neuter  adhuc  quidquam  boni  aut  mali  egisset:  addam  et  hoc:  net;  voluisset  cogitassetque.  Cur  igitur  alterum  dilexit,  alterum  odio  prosequutus  est,  quum  aeque  iustas  in  utrumque  odii  causas  habuerit,  dilectionis  vero  nullas?  At  praevidit  in  Iacobo  futurum  quod  hanc  conciliaret  dilectionem,  in  fratre  autem  non  praevidit?  Sed  enim,  quum  uterque  natura  pari  esset  conditione,  quid  aliud  in  Iacobo  praevidere  potuit  quam  in  fratre  quod  merito  diligeret,  nisi  quod  ipsi  Iacobo  gratuita  beneficentia,  non  autem  fratri  largiturus  erat,  nimirum  ut  palam  fieret  gratuitum  esse  Dei  donum  quidquid  prae  fratre  a  Deo  Iacobus  obtinuit,  ut  propositum  Dei  maneret  quo  hac  benevolentia  hunc,  non  autem  illum  Dominus  prosequuturus  erat.  At  vero  dubitari  non  debet  quin  eo  pertineat  Pauli  disputatio,  quae  in  alium  accepta  sensum  sibi  satis  constare  non  potest.  Totus  enim  in  hoc  est  ut  doceat  non  omnes  germanos  esse  Dei  filios  qui  de  Abrahamo  genus  duxerint,  sed  quos  ex  eo  numero  in  hunc  sibi  finem  delegisset,  ac  proinde  mirum  non  esse  si  plurimi,  qui  in  ipsis  videbantur  nati  et  educati  ecclesiae  visceribus,  ab  evangelio  magno  cum  omnium  offendiculo  resiliebant  et  abhorrebant.  Eandem  ob  causam  toties  electionis,  propositi  consilii  ac  decreti  aeterni  mentionem  iniicit,  quo  Deus  suos  libro  vitae  inscripsit,  qui  in  Christo  eius  interprete  et  vitae  thesauro  aperitur,  et  quae  sit  aeterna  illa  Dei  electio  declaratur.  Enimvero  nemo  eligitur  quia  credit,  aut  electus  est  quia  crediturum  erat,  sed  credendo  declaratur  ex  eorum  esse  numera  3