13:34  scripsit.l)  Quem  huius  scripti  autorem  minime  fuissem  suspicatus,  quia  suum  nomen  suppressit,  nisi  eius  agnovissem  manum,  et  ex  argumento  coniecturam  fecissem.  Eius  ad  te  scripta  mitto  per  hunc  tabellarium,  uxoris  meae  fratrem,  super  quibus  tuam  velim  mihi  sententiam  significes,  hoc  est,  num  putes  mihi  esse  respondendum,  quid  et  quomodo,  si  modo  id  tibi  non  grave  est  nimis.  De  bellicis  rumoribus  nihil  est  quod  tibi  laetum  nunciare  possim.  Heri  Aloisius  literas  a  Zerhinte  accepit,  quibus  nunciabat  res  Constantiensium  magno  esse  in  discrimine  propter  diversa  civium  studia  et  consilia2).  Nam  plebem  a  patribus  et  primoribus  divisam  esse  narrabat.  Primores  nullas  pacis  conditiones  admittere  volunt  a  Caesare  oblatas,  nisi  salva  religione  et  civili  sua  libertate.  Plebs  vero  statuit  se  supplicem  ad  Caesaris  pedes  prosternere,  s)  veniam  rogatura  et  pacem,  quibuscunque  volet  Caesar  conditionibus,  elegitque  legatos  suo  nomine  ex  singulis  sodalitatibus  quas  abbatias  vocant,  qui  haec  apud  Caesarem  curarent.  Praeterea  rogat  Helvetios  ut  hac  in  causa  velint  suo  nomine  apud  Caesarem  intercedere.  4)  In  hanc  paene  sententiam  scripsit  ZerMntes.0)  Vides  in  quo  statu  sit  misera  et  inconstans  Constantia,  si  ita  res  habet,  et  quid  nobis  sperandum  sit.  Haec  sunt  quae  habui  in  praesentia.  Reliqua  habent  ut  solent.  Tabellarium  ut  admoneas  sui  officii  te  vehementer  oro.  Nosti,  opinor,  in  quibus  agat  aedibus  et  qua  illic  disciplina  eius  excoli  animus  possit.  Salutant  te  nostri  omnes.  Salutat  te  et  tuam  uxorem  mea  uxor,  cui  ego  quoque  velim  meo  nomine  salutem  adscribi.  Vale.  Lausannae  25.  Augusti  I548.  x  Tuus  Petrus  Viretus.  Salutant  te  Aloisius  et  Danionus.  Remitte  scripta  Serveti.  1065.1)  Huius  scripti,  quod  non  mera  epistola  fuisse  videtur,  mentio  fit  in  actione  contra  Servetum.  Vide  Opp.  VIII  776  et  780,  requisitorii  procuratoris  art.  14  et  Serveti  interrog.  VI.  d*  28.  Augusti:  Sus  le  14.  respond  quil  nen  a  escript  que  a  M,  Calvin  et  a  M.  Abel  et  une  letre  quil  envoya  a  M.  Pierre  Viret.  2)  Postquam  d.  6.  Augusti  urbem  edicto  publico  Caesar  exterminavit  et  Hispani  iam  suburbium  adorti  sunt,  mox  etiam  legati  Augusta  reversi  gravem  et  minacem  repulsam  a  Granvella  retulerunt,  cives  deliberatione  facta  Interim  recipere  et  episcopum  restituere  decreverunt  et  genibus  flexis  veniam  et  gratiam  petere  a  Caesare,  non  autem  pati  ut  sibi  ducem  militarem  imponat.  3)  Apographa  habent:  prostituere.  4)  Confoederati  praeeuntibus  Turicensibus  d.  16.  Aug,  apud  Imperatorem  scripto  oblato  pro  Constantienstbus  intercesserunt,  qui  d.  28.  responso  dato  negavit  se  aliquid  de  suis  conditionibus  remissurum,  5)  Tum  temporis  praefectus  Neoduni.  3