11:34  staret  inter  eos,  mihi  esset  solatio.  Sed  quum  peccata  nec  agnoscuntur,  nec  displicent,  Deus  non  invocatur,  nescio  quid  sperare  debeam.  Propitius  sit  omnibus  coelestis  pater.  Vale  ac  Dominum  pro  nobis  precare.  Saluta  omnes,  Capitonem,  Bucerum  si  redierit,  Sturmium,  Bedrotum,  Claudium,  Iacobum,  ne  fratrem  tuum  praeteream.  Valde  placet  quod  Tigurinos  literis  convenis:  perge,  quaeso.  Omnes  salvum  te  esse  cupiunt.  Neocomi,  16.  Aprilis  1540.  Viridis  nebulo  perditissimus  mire  offendit  ecclesiam  et  ministerium  pessumdat:  tamen  ita  novit  sese  insinuare  ut  Conzenum  et  Richardum  regat  pro  nutu.  Haec  Codrefinus  Capunculo.  Quam  sunt  plerique  amantes  pulponum.  Dominus  prospiciat.  Certe  indignus  est  qui  usquam  agat.  Pii  negliguntur.  Sed  quid  tam  multa  quibus  obrui  te.  Ne  sic  quidem  Deum  invocamus  ut  adsit  suae  ecclesiae.  Quod  faxit  sua  ingenti  bonitate,  ut  et  faciet.  Farellus  tuus.  216.  CALVINUS  VIRETO.  Commendat  duos  iuvenes  in  Helvetiam  proficis  censes.  (Ex  autogr.  Bibi.  Genev.  Ood.  106,  fol.  38.  Exstat  manu  Ionvillaei  descripta  ibid.  Ood.  111a��  fol.  36  v.  Apographa  recentiora  habes  ibid.  Ood.  111,  fol.  32.  Archiv.  Bern.  Epp.  VII.  p.  346  et  Simler  vol.  48.)  Optimo  fratri  meo  Petro  Vireto,  Lausannensis  ecclesiae  ministro  fideli.  Gratia  Domini  tecum.  Quia  hi  duo  iuvenes  valde  familiariter  et  amice  vixerunt  mecum,  maior  etiam,  qui  notam  gerit  in  oculo,  coniunctissime,  nolui  permittere  ut  urbem  vestram  praeterirent  te  insalutato,  partim  ut  te  viderent,  ac  si  ita  ferat  opportunitas  taedium  fatigationemque  ex  itinere  contractam  colloquio  tuo  levarent,  partim  ut  eos  de  statu  nostro  posses  interrogare,  ac  rebus  omnibus  quae  hic  aguntur.  Nam  nihil  est  quod  non  teneant,  et  non  detrectabunt  tibi  referre,  siquidem  per  occa*  sionem  itineris  licebit.  Id  excipio,  quia  non  libenter  quos  nacti  sunt  comites  deserent  propter  viarum  difficultatem.  Caeterum  quod  nihil  abs  te  literarum  recipio,  et  mihi  permolestum  est  et  nostra  amicitia  valde  alienum.  Proinde  vide  ut  posthac  sis  hac  in  parte  officiosior  solito,  nisi  vis  mihi  expostulandi  causam  dare.  Saluta  mihi  amantissime  collegas  tuos  Comitem  et  Iacobum,  Cornelium,  Con-  3