6:339  RESPONSIO  CONTRA  PIGHIUM  et  instare  sentiet.  Hoc  bello  colore  suam  olim  impietatem  operiebat  Pelagius;  sicuti  plus  quindecim  locis  testatur  Augustinus.  Nam  quum  in  concilio  palaestino  1)  anathemate  damnasset  eos,  qui  gratiam  Dei  superioribus  meritis  rependi  docerent,  et  postea  malae  fidei  argueretur:  ita  se  [pag.  148]  purgabat,  quod  nihil  mereri  homines  potuerint  quum  nondum  essent.  Liberum  ergo  arbitrium  et  partem  gratiae  esse,  et  nullis  meritis  redditum,  sed  gratis  datum.  Sed  illam  fallaciam  excutit  Augustinus.2)  Nam  omnino,  inquit,  non  istam  gratiam  commendat  apostolus,  qua  creati  sumus,  ut  essemus  homines,  sed  qua  iustificati  sumus,  ut  homines  iusti  essemus.  Et  quid  hic  longiore  demonstratione  uteremur?  Naturam  enim  conferimus  cum  gratia,  quum  hanc  curandae  ac  tollendae  illius  corruptioni  unicum  remedium  esse  dicimus.  Ergo  discerni  in  tota  hac  tractatione  tanquam  res  inter  se  oppositas,  oportuit.  Si  male  nos  separare  res  coniunctas  dixerit  Pighius,  tuemur  nos  apostoli  autoritate.  Quid  ergo  nunc,  ut  totum  causae  statum  turbet,  profecturum  se  sperat,  quum  a  regenerationis  beneficio,  quod  singulare  est,  ad  communem  creationis  gratiam  nos  avocat?  Sed  hoc  est  scilicet,  quod  alicubi  scribit  Augustinus,  semper  artificium  hoc  quaeritare  gratiae  inimicos,  ut  lateant  sub  laude  naturae.  Quartum  obiectum,  quod  in  mea  Institutione  ex  adversariorum  persona  moveo,  est:  Frustra  exhortationes  suscipi,  supervacuum  esse  admonitionum  usum,  ridiculas  esse  obiurgationes,  nisi  penes  nos  sit  parere.  Huic  argumento  ut  nervos  addat  Pighius  eo  commiiDIter  multos  veterum  fuisse  usos  commemorat:  ex  quibus  Pseudopetrum  cum  larvato  Clemente  in  prima  acie  locat.  De  Tertulliano  et  Irenaeo  iam  dictum  est,  nihil  eos  aliud  ratiocinari,  nisi  frustra  daturum  homini  legem  fuisse  Deum,  cui  non  liberam  boni  et  mali  electionem  contulisset.  Sed  aliud  est  quaerere,  quas  initio  facultates  homo  acceperit;  aliud,  quid  nunc  suis  facultatibus  destituto,  et  ad  extremam  inopiam  redacto  supersit.  Haec  tam  diversa,  in  qua  nunc  est,  conditio,  cum  priore  illa  confundi  minime  debet.  Eadem  responsio  Origenis  quoque  verbis  satisfacere  forte  posset.  Sed  non  adeo  moror;  [pag.  149]  quum  eum  nonnihil  a  nobis  dissentire  iam  ante  confessus  fuerim.  Quod  Ciceronem  etiam  advocatum  accersit,  causam  inde  suam  non  multum  adiuvat.  Nos  enim,  sicut  verum  est,  totam  hanc  de  haereditaria  naturae  pravitate  et  gratuita  reparatione  doctrinam  a  ratione  carnis  penitus  reconditam  esse  concedimus.  Itaque  nihil  mirum,  si  totam  rhetorum  et  philosophorum  nationem  latuerit.  Quia  autem  hanc  quaestionem  Au-  1)  Innuit  hierowlymitanum  a.  415  celebratum.  2)  Epist.  106.  ad  Sixtam.