54:339  339  SERMON  XXVIII  340  combatans,  qui  quelques  fois  se  heurtoyent  en  sorte,  que  c'estoit  pour  s'escacher  de  grans  coups:  ils  tenoyent  des  plombeaux  en  leurs  mains  pour  se  frapper  et  se  casser,  tellement  qu'ils  s'en  retournoyent  tout  desrompus.  Et  bien,  quand  ceux-la  auront  beaucoup  combatu,  ii  est  vray  qu'ils  pourront  emporter  le  prix,  mais  non  pas  tous,  il  j  en  aura  un,  ou  deux,  ou  trois  entre  toute  la  multitude.  Or  quand  Dieu  nous  appelle  pour  courir,  est-ce  seulement  pour  donner  le  prix  a  un  seul,  et  pour  reietter  les  autres  qui  suivent  apres?  Nenni:  mais  nous  aidons  les  uns  les  autres  en  commun:  tellement  que  ie  soye  le  centieme,  voire  qu'il  viene  apres  un  million,  moyennant  que  ie  tende  a  Dieu,  ceux  qui  seront  desia  parvenus  me  tendront  les  bras  pour  me  recevoir  en  la  compagnie  des  saincts  Martyrs  qui  nous  ont  precedez,  et  des  saincts  Prophetes  qui  nous  ont  encores  attendu  plus  long  temps.  Quand  Dieu  nous  appelle  a  un  tel  combat,  et  a  une  telle  condition,  ne  faut-il  pas  que  nous  soyons  trop  vileins  si  nous  ne  prenons  courage,  que  nous  ne  soyons  affectionnez  de  marcher  et  courir  pour  nous  efforcer  selon  que  nostre  Seigneur  nous  commande?  Voila  donc  quant  a  ce  mot  de  garder  la  foy.  Suivant  cela  sainct  Paul  adiouste,  Que  quant  au  reste,  la  couronne  de  la  iustice  luy  est  apprestee,  qui  luy  sera  rendue  par  le  Seigneur  iuste  iuge  en  ce  iour-la:  et  non  seulement  a  moy  (dit-il),  mais  a  tous  ceux  qai  desirent  sa  venue  et  son  apparition.  Ici  sainct  Paul  conferme  le  propos  que  i'ay  desia  touche:  c'est  ascavoir  qu'il  n'a  point  couru  en  vain,  comme  aussi  il  le  dit  en  un  autre  passage.  Car  comme  nous  disons  en  proverbe  commun.  Batre  l'eau,  sainct  Paul  dit,  Batre  Fair:  pour  monstrer  qu'il  n'a  point  combatu  en  vain.  Car  il  scavoit  (comme  il  l'exprime  en  ce  passage)  que  la  couronne  ne  luy  pouvoit  faillir,  d'autant  qu'elle  luy  est  promise  de  celuy  qui  est  la  verite  certaine  et  infallible.  Quand  donc  nous  avons  la  promesse  de  nostre  Dieu,  quand  par  sa  bonte  infinie  il  s'oblige  a  nous,  faut-il  craindre?  Si  nous  ne  prenons  courage  la  dessus,  quelle  excuse  y  aura-il?  N'est-ce  pas  signe  que  nous  ne  portons  nul  honneur  a  Dieu,  mais  plustost  que  nous  luy  faisons  iniure,  ne  Festimans  point  fidele  ne  loyal?  Car  il  est  certain  que  tous  ceux  qui  s'arrestent  a  ce  que  Dieu  dit,  il  faudra  qu'ils  surmontent  tous  les  empeschemens  du  monde.  Et  ainsi  concluons  que  tous  ceux  qui  se  lassent  au  milieu  du  chemin,  ou  mesmes  qui  ne  peuvent  remuer  ne  bras  ne  iambes,  que  ceux-la  sont  incredules,  et  qu'ils  veulent  desmentir  Dieu,  entant  qu'en  eux  est:  combien  qu'ils  ne  prononcent  point  ce  blaspheme  de  bouche,  si  est-ce  que  leur  vie  monstre  qu'ils  n'adioustent  nulle  foy  a  Dieu,  qu'ils  ne  luy  font  point  cest  honneur-la  de  se  re-