51:339  339  SERMON  VIII  340  soit  du  tout  arrestee  en  luy.  Comme  il  est  dit  aux  Actes,  qu'il  n'y  a  point  d'autre  nom  donne  sous  le  ciel,  auquel  il  nous  salle  estre  sauvez.  Car  (comme  nous  avons  touche  ce  matin)  selon  que  Dieu  est  incomprehensible  et  qu'il  habite  une  clairte  a  laquelle  nous  n'avons  point  d'aeces  (comme  S.  Paul  en  parle),  il  faut  que  Iesus  Christ  soit  comme  au  milieu,  a  fin  que  nous  puissions  hardiment  venir  a  luy,  scachans  qu'il  n'est  point  separe  ni  eslongne  de  nous.  Et  ainsi  notons  quand  il  est  ici  parle  de  Nom)  que  c'est  d'autant  que  Dieu  veut  estre  cognu  en  la  personne  de  son  Fils  unique.  Il  est  dit  quant  et  quant,  qu'il  n'y  a  point  plusieurs  deitez,  quant  a  l'essence,  nous  avons  un  seul  Dieu  :  mais  en  Iesus  Christ  nous  avons  l'image  vive  et  expresse  du  Pere,  tellement  que  la  nous  cognoissons  tout  ce  qui  est  expedient  et  requis  pour  nostre  salut.  Il  est  dit  qu'il  nous  faut  glorifier  a  cognoistre  un  seul  Dieu:  mais  cela  est  accompli  en  la  personne  de  nostre  Seigneur  Iesus  Christ,  pource  que  les  hommes  se  voulans  enquerir  de  Dieu,  ils  entrent  en  un  terrible  labirinthe,  sinon  que  Iesus  Christ  soit  le  chemin,  et  qu'il  les  adresse.  Nous  voyons  donc  maintenant  a  quoy  S.  Paul  a  pretendu.  Or  il  adiouste  aussi  bien,  que  ce  n'est  pas  seulement  pour  ce  siecle,  mais  aussi  pour  Vautre}  signifiant  que  la  cognoissance  que  nous  avons  de  Iesus  Christ  nous  suffira  pour  la  vie  celeste.  Or  il  sembleroit  de  prime  face  qu'il  y  eust  ici  quelque  contradiction,  avec  ce  qui  est  dit  au  15.  chap.  de  la  1.  aux  Corinth.  C'est  a  scavoir,  qu'au  dernier  iour  quand  le  monde  sera  iuge,  nostre  Seigneur  Iesus  rendra  l'Empire  a  Dieu  son  Pere,  duquel  il  le  tient:  et  maintenant  S.  Paul  dit  qu'il  a  este  establi  avec  toute  dignite,  et  que  c'est  aussi  bien  pour  le  siecle  a  venir.  Or  les  deux  s'accordent  tres  bien  :  car  quand  il  est  dit  que  Iesus  Christ  a  un  nom  souverain,  et  qu'il  est  l'image  de  Dieu  son  Pere,  cela  est  a  cause  de  nostre  rudesse  et  infirmite:  comme  aussi  quand  ii  est  appele  Lieutenant  de  Dieu,  cela  est  pource  que  nous  ne  pourrions  point  estre  en  repos,  sinon  que  nous  cognussions  que  Dieu  a  sa  main  estendue  pour  nous  secourir  au  besoin:  et  nous  apprehendons  mieux  cela  en  Iesus  Christ,  selon  qu'il  s'est  approche  de  nous,  et  qu'il  s'est  fait  nostre  frere.  Dieu  donc  ne  regne  pas  tellement  par  le  moyen  de  Iesus  Christ,  qu'il  ait  quitte  son  office,  ne  qu'il  soit  oisif  au  ciel  :  ce  seroit  une  resverie  mauvaise  que  cellela.  Et  de  faict,  nous  voyons  comme  nostre  Seigneur  Iesus  en  parle  au  15.  chap.  de  sainct  Iean,  Mon  Pere  et  moy  avons  tousiours  la  main  a  la  besongne,  dit-il.  La  il  monstre  qu'il  n'a  pas  este  ordonne  gouverneur  du  monde  a  ceste  condition  que  le  Pere  soit  cependant  a  repos  au  ciel  :  mais  cela  est  a  nostre  regard,  a  fin  que  nous  ne  doutions  point  que  tousiours  Dieu  ne  nous  soit  prochain