41:339  339  SERMON  IL  340  nous  ne  refusions  point  d'y  entrer  et  que  nons  soions  plus  attentifs,  et  vigilans  a  ce  que  nous  sera  propose  de  sa  parole  que  nous  n'avons  point  este  parcy  devant.  Venons  maintenant  a  ce  que  le  prophete  adioute.  C'est  que  Balsazar  envoie  querir  les  devins  et  magiciens,  les  Chaldees  et  les  sages  de  Babilone,  et  comment  cela?  Pourquoy  ne  s'adresse  il  plustost  a  Daniel?  Voire  mais  Daniel  estoit  alors  reiete  de  la  court,  et  nous  voions  par  cela  combien  il  est  difficile  au  monde  de  suivre  la  vraye  doctrine,  il  est  vray  qu'on  n'avoit  point  receu  la  vraye  religion  au  roiaume  de  Babilone,  mais  tant  y  ha  que  le  Roy  Nabugodonozor  avoit  fait  son  edit  qu'il  vouloit  que  le  Dieu  de  Daniel  fut  adore,  mais  ce  pendant  apres  qu'il  est  trespasse,  Voici  Eumerodach  son  fils,  combien  qu'il  ne  fust  point  trop  mauvais,  car  nous  voions  qu'il  use  d'une  grande  humanite  envers  le  Roy  de  Iudee,  quand  il  le  remet  en  son  siege,  et  qu'il  espargne  ainsi  l'Eglise  de  Dieu,  combien  donc  qu'Emerodach  ne  soit  point  des  plus  meschans,  si  est  ce  toutesfois  que  Daniel  est  oublie,  et  par  cela  (comme  i'ay  dit)  nous  voions  comme  le  monde  au  lieu  de  cercher  Dieu  s'eslongnera  de  luy.  Voila  la  court  du  Roy  de  Babilonne  qui  est  comme  un  goufre  d'Enfer,  le  Roy  et  tous  ses  princes  sont  tellement  troubles  qu'ils  ne  scavent  que  faire,  et  pour  avoir  quelque  allegement  on  va  aux  devins  et  aux  sorciers  qui  sont  pleins  de  tromperies.  Et  ce  pendant  Daniel  qui  est  rempli  de  l'Esprit  de  Dieu,  est  delaisse.  Or  il  est  vray  que  ceci  s'est  fait  en  Babilonne  par  un  Roy  paien  et  incredule,  mais  nous  avons  un  exemple  auquel  nous  pouvons  veoir  quelle  est  la  nature  des  hommes  en  general,  il  est  vray  que  les  hommes  confesseront  bien  qu'il  faut  venir  a  Dieu,  qu'il  le  faut  escouter,  mais  ce  pendant  ils  sont  bien  contens  de  prendre  des  circuits  en  telle  sorte  qu'ils  ne  se  veulent  aucunement  assuietir,  comme  si  Dieu  nous  appelle  d'un  coste,  nous  courons  de  l'autre:  nous  ferons  ou  feindrons  bien  seulement  de  mettre  nostre  fiance  en  luy,  et  de  nous  assuietir  a  ce  qu'il  nous  dira  mais  c'est  tout  le  contraire,  car  nous  voulons  suivre  nostre  fantasie  et  non  pas  sa  volunte.  Ainsi  donc  nous  dirons  bien  de  prime  face  qu'il  se  faut  renger  a  Dieu,  mais  avons  nous  fait  cette  confession  la,  Dieu  nous  appelle  il  d'un  coste,  nous  tendons  de  l'autre,  ou  bien  nous  faisons  tant  de  circuits  que  iamais  nous  ne  venons  droit  a  luy,  et  nous  voyons  cela  par  experience,  car  cette  confession  generalle  se  fera  de  tous.  Voila  il  faut  obeir  a  Dieu,  il  n'i  ha  point  de  replique,  mais  comment  est  ce  que  nous  luy  obeissons  ce  pendant  en  ensuivant  nostre  fantasie,  et  bien  ie  feray  telle  chose  car  il  me  semble  qu'elle  n'est  pas  mauvaise,  cela  ne  desplaira  point  a  Dieu  a  mon  advis:  et  voila  la  source  et  la  racine  de  tous