32:339  339  PSALMUS  CXXXI.  340  non  aliis  propitium  esse  nisi  qui  expiationem  suam  quaerunt  in  Christi  sacrificio.  Notandum  autem  quod  dicit  ex  cunctis  iniquitatibus,  ne  miseri  peccatores,  quamvis  multiplici  reatu  se  obstrictos  sentiant,  sperare  tamen  desinant  propitium  sibi  Deum  fore.  PSALMUS  CXXXI.  ARG.  Hic  David,  ut  populum  animet  ad  strenue  militandum  sub  auspiciis  suis,  vel  etiam  ad  obsequium  sibi  prae-^  standum  pios  omnes  hortetur  atque  invitet,  Deum  pronuntiat  semper  ducem  sibi  fuisse,  nec  absque  eius  mandato  et  vocatione  quidquam  se  fuisse  aggressum,  Canticum  graduum  Davidis.  1.  Iehova  non  est  exaltatum  cor  meum,  nec  elati  sunt  oculi  meii  nec  ambulavi  in  rebus  magnis  et  absconditis  a  me:  1.  (Iehova  non  est  exaltatum.)  Quia  Dei  ecclesiae  praeerat  David,  ut  se  legitimum  probaret  regem,  ac  fideles  sibi  morigeros  redderet,  testari  voluit  nihil  se  ambitione  vel  superbia  abreptum  tentasse:  quin  potius  se  quieta  et  placida  modestia  fuisse  retentum,  ut  se  Deo  subiiceret.  Quae  doctrina  ideo  apprime  est  utilis,  quod  nulla  certior  bene  vivendi  regula  est,  quam  dum  quisque  sorte  divinitus  sibi  praescripta  contentus,  fortunam  sibi  non  fingit,  sed  Dei  vocationem  placide  exspectat:  neque  plus  expetit  quam  licet:  neque  se  praecipitanter  ingerit:  neque  etiam  ad  magnitudinem  effertur,  sed  in  suo  gradu  libenter  se  continet.  Porro  cor  suum  exaltatum  fuisse  negans,  fontem  omnis  temeritatis  et  illicitae  audaciae  notat.  Unde  enim  fit  ut  suis  cupiditatibus  ita  serviant  homines,  ut  volitent  per  medium  aerem,  ut  omnia  miscendo  mundum  conturbent,  ut  denique  sua  audacia  ferantur  praecipites,  nisi  quia  superbia  turgent?  Correcta  vero  altitudine  cordis,  moderationem  omnes  colent.  Quod  de  oculis  additur,  perinde  valet  ac  nullum  superbiae  signum  in  gestu  aut  vultu  exstitisse:  sicut  alibi  in  superbis  damnantur  alta  supercilia.  Etsi  longius  non  inepte  extendi  hoc  posset,  quod  scilicet  David  non  modo  cor  suum  compescuerit,  ne  se  ambitione  efferret:  sed  oculis  quoque  fraenum  iniecerit,  ne  cordi  altitudinis  cupido  se  comites  praeberent.  Summa  est,  una  cum  corde  omnes  sensus  ad  modestiam  fuisse  submissos.  Quod  se  negat  ambulasse  in  rebus  magnis,  ad  animum  referri  necesse  est.  Res  certe  praeclarae  fuerunt,  non  modo  fungi  prophetae  officio,  sed  regia  etiam  dignitate  esse  ornatum:  imo  in  sacro  unigeniti  filii  Dei  solio  sedere.  Omitto  alias  excellentiae  partes,  quibus  eum  Deus  a  vulgo  hominum  exemit.  Verum