54:338  ni  tourbillon  qui  viene.  Retenons  donc  quand  nous  aurons  bien  bataille,  que  pour  avoir  issue  heureuse  de  eous  nos  combats  il  nous  faut  garder  la  foy.  Or  nous  avons  veu  par  ci  devant,  que  la  bonne  conscience  en  est  comme  l'estuy.  Car  ceux  qui  s'adonnent  a  mai,  ces  mocqueurs  de  Dieu  qui  ne  portent  nulle  reverence  a  l'Evangile,  non  plus  qu'a  ie  ne  scay  quoy,  meritent  bien  que  Dieu  les  face  abysmer,  et  que  leurs  cheutes  soyent  non  seulement  mortelles,  mais  espouvantables.  Voila  pourquoy  aussi  il  dit  qu'ils  sont  abysmez  comme  au  profond  de  la  mer,  ainsi  que  quelque  nes  qui  s'enfondre,  et  perit.  Ceux-la  donc  qui  ne  retienent  point  la  foy  en  bonne  conscience  sont  ainsi  enfondrez,  et  Dieu  veut  qu'ils  perissent  mal-heureusement,  pour  monstrer  combien  il  prise  la  doctrine  de  son  Evangile.  Car  quand  il  en  fait  une  telle  vengeance,  c'est  signe  qu'il  ne  veut  point  qu'on  se  mocque  de  la  doctrine  de  salut.  Ainsi  notons  bien  qu'il  nous  faut  avoir  ceste  integrite  et  bonne  conscience,  et  que  nous  cheminions  en  la  crainte  de  Dieu,  que  nous  retenions  les  promesses  de  sa  bonte  et  de  sa  grace,  ou  iamais  nous  ne  serons  disposez  pour  poursuivre  nostre  course  iusques  a  la  fin.  Et  pourtant  retenons  ceste  bonne  conscience  pour  garder  nostre  foy:  et  encores  qu'aucunement  nous  soyons  retardez  par  la  foiblesse  qui  est  en  nous,  combien  que  nous  soyons  estonnez  des  rudes  assauts  et  alarmes  qu'il  nous  faudra  sentir,  combien  que  nous  soyons  empeschez  de  passer  outre,  si  est-ce  que  nous  en  viendrons  a  bout,  voire  puis  que  Dieu  ne  nous  abandonne  point.  Car  il  nous  doit  souvenir  de  ce  que  nous  avons  desia  dit  du  passage  que  nous  avons  allegue  en  ce  neufieme  de  la  premiere  aux  Corinthiens,  que  sainct  Paul  pour  faire  plus  grande  reproche  a  ceux  qui  ne  courent  pas  d'une  telle  affection  qu'il  seroit  requis,  leur  dit,  Comment?  Ceux  qui  se  mettent  en  un  ieu  de  prix  (car  ie  pren  ce  qui  est  le  plus  commun  auiourd'huy),  ceux  qui  vienent  la  luitter,  encores  ne  sont-ils  point  asseurez  qu'ili  einportent  nul  salaire.  Car  de  ce  temps-la  on  eust  veu  deux  au  trois  cens  personnes  courir,  ils  venoyent  la  en  grand  equippage  de  cent  lieues,  et  de  deux  cents  lieues.  Et  bien,  c'estoit  seulement  pour  avoir  une  couronne  de  fueilles.  Ils  ne  craignoyent  point  de  faire  de  grans  despens,  et  de  prendre  beaucoup  de  peine  pour  une  chose  de  rien:  et  encores  quand  ils  avoyent  tout  fait,  il  n'y  en  avoit  qu'un  qui  fust  couronne,  quand  il  avoit  este  trouve  agile.  Ou  bien  si  on  faisoit  deux  prix,  ou  trois,  ou  quatre,  la  couronne  n'estoit  que  pour  celuy  qui  estoit  trouve  le  plus  vaillant:  le  reste  s'en  retournoit  avec  sa  honte,  et  mesmes  avec  mocquerie,  qu'on  disoit,  Ho,  cestuy-la  y  a  pretendu,  mais  il  ne  Ta  pas  gagne  pourtant,  apres  il  y  avoit  en  ces  luittes  d'autres