51:338  une  chose  morte.  D'autant  plus  donc  nous  faut-il  bien  noter  ces  passages,  que  nous  sommes  unis  et  assemblez  en  un  corps  avec  les  Anges  de  Paradis,  avec  les  Saincts  qui  ont  vescu  sous  la  Loy,  et  qu'il  faut  que  nous,  et  tous  les  Prophetes,  Apostres,  et  Martyrs,  d'un  commun  accord  glorifions  nostre  Chef  commun,  et  que  nous  tendions  a  Iesus  Christ,  et  qu'il  soit  exalte  en  haut,  a  fin  que  chacun  le  regarde:  et  que  nous  ne  mettions  point  des  bendeaux  devant  les  yeux  a  nostre  escient,  mais  que  tout  empeschement  soit  oste,  et  que  sa  gloire  ne  soit  nullement  obscurcie.  Voila  donc  comme  nous  pourrons  surmonter  tous  les  obiects  que  Satan  nous  mettra  en  avant  pour  nous  retarder  de  venir  a  Iesus  Christ:  ce  sera  quand  nous  cognoistrons  qu'il  n'y  a  nulle  dignite  au  monde,  ni  haut  ni  bas,  qui  ne  soit  assubietie,  a  fin  que  nous  soyons  tous  conioints  a  luy  d'un  accord.  Voila  en  somme  ce  que  nous  avons  a  retenir  de  ce  passage.  Il  est  vray  que  par  ces  mots  nous  sommes  aussi  advertis  que  Dieu  distribue  les  offices  entre  ses  Anges,  comme  il  luy  plaist,  et  que  l'un  aura  plus  grande  charge  que  l'autre:  mais  ce  n'est  pas  a  nous  de  scavoir  comment  il  en  va:  cognoissons  selon  la  mesure  de  nostre  foy,  et  seulement  escoutons  Dieu  parler,  et  en  toute  sobriete  que  nous  luy  soyons  disciples,  sans  lascher  la  bride  a  nos  foles  curiositez  :  comme  nous  voyons  que  plusieurs  ont  voulu  disputer  subtilement  des  Anges,  et  chacun  a  voulu  estre  maistre  d'hostel  pour  distribuer  les  estats  en  la  maison  de  Dieu.  Et  c'a  este  une  audace  diabolique  que  de  gazouiller  ainsi  des  secrets  de  Dieu,  outre  ce  qui  nous  en  est  monstre  par  sa  Parole.  Contentons-  nous  donc  que  les  Anges,  quelques  nobles  qu'ils  soyent,  nous  ont  este  ordonnez  par  le  moyen  de  Iesus  Christ  pour  ministres  de  nostre  salut.  Et  ainsi,  quand  nous  voudrons  les  avoir  familiers,  que  nous  ne  facions  point  comme  les  Papistes,  qui  auront  leurs  oraisons  propres  pour  s'y  adresser;  mais  venons  a  Iesus  Christ:  car  voila  comme  tout  sera  commun  entre  nous.  Quand  nous  disons,  Ie  croy  la  communion  des  Saincts,  apres  avoir  parle  de  l'Eglise,  il  est  certain  que  les  Anges  sont  la  comprins,  quand  Dieu  les  employe  a  nous  faire  service.  Et  pour  quelle  raison?  Ce  n'est  pas  que  nous  en  soyons  dignes,  mais  d'autant  qu'il  nous  a  tous  assemblez  sous  Iesus  Christ.  Voila  donc  le  vray  lien,  la  concorde  et  fraternite  que  nous  avons  avec  les  Anges  de  Paradis.  Or  la  dessus  S.  Paul  adiouste,  que  Iesus  Christ  a  obtenu  un  noni)  c'est  a  dire,  une  maieste,  qui  est  par  dessus  tout  nom,  tant  du  ciel  que  de  la  terre.  Ici  S.  Paul  nous  monstre  en  somme,  que  toute  nostre  sagesse  est  de  cognoistre  les  biens  qui  nous  ont  este  apportez  par  le  Fils  de  Dieu,  et  que  nous  possedons  en  luy  seul,  moyennant  que  nostre  foy  22