49:338  etiam  argumentatur,  quod  Deus  ipsum  nobis  in  gloriam  nostram  dederit.  Qua  etiam  voce  conferre  nos  patribus  videtur',  quos  isto  honore  non  est  dignatus  coelestis  pater,  quem  in  filii  sui  adventum  distulit.  8.  Nemo  principum  cognovit.  Si  subaudias,  proprio  acumine,  nihilo  plus  de  ipsis  asseret  quam  de  vulgo  hominum  et  infimis  quibusque:  a  summo  enim  ad  minimum  quid  ad  eam  rem  omnes  valemus?  Nisi  forte  dicamus,  potius  caecitatis  et  ignorantiae  damnari  principes  quam  alios,  quod  soli  videntur  in  mundo  oculati  et  prudentes.  Quamquam  ego  simplicius  accipere  malim,  secundum  frequentem  scripturae  usum,  quae  universaliter  de  iis  loqui  solet  quae  lid  TO  TZOXO,  id  est  communiter  accidunt:  et  universaliter  etiam  negare  quae  non  accidunt  nisi  eni  sXaiTOV,  hoc  est,  perquam  raro.  Hoc  sensu  nihil  absurdi  erat,  si  pauculi  quidam  praestantes  viri  et  dignitate  inter  alios  eminentes  fuissent  reperti,  qui  simul  pura  Dei  cognitione  praediti  fuissent.  Si  enim  cognovissent.  Sapientia  Dei  ad  liquidum  relucebat  in  Christo,  illic  tamen  principes  eam  non  apprehenderunt:  nam  ab  una  parte  Christo  crucifigendo  praefuerunt  Iudaeorum  primores,  sanctitatis  et  sapientiae  opinione  praestantes:  ab  altera,  Pilatus  et  imperium  romanum.  Hoc  luculentum  est  documentum  extremae  caecitatis  eorum  omnium,  qui  non  nisi  secundum  carnem  sapiunt.  Videri  tamen  posset  infirmum  hoc  argumentum  apostoli.  Quid  enim?  Annon  quotidie  videmus,  qui  Dei  veritatem  sibi  non  incognitam  deliberata  malitia  oppugnent?  Quod  si  oculis  non  cerneretur  tam  aperta  rebellio,  quid  est  tamen  aliud  peccatum  in  spiritum  sanctum  quam  voluntaria  adversus  Deum  obstinatio:  quum  homo  sciens  et  volens  eius  verbum  non  modo  persequitur,  sed  etiam  oppugnat?  Atque  adeo  cur  se  Pharisaeis  et  similibus  fuisse  notum  testatur  Christus,  quum  illis  ignorantiae  praetextum  tollit,  et  impiae  crudelitatis  accusat,  quod  se  fidelem  patris  ministrum  absque  causa  persequantur,  nisi  quia  veritatem  odio  habeant?  Respondeo,  duplicem  esse  ignorantiam  :  una  est  quae  ex  inconsiderato  zelo  proficiscitur,  neque  bonum  simpliciter  reiicit,  sed  quia  malum  esse  putat.  Tametsi  autem  ignorantia  nemo  sic  peccat  quin  reus  sit  interea  coram  Deo  malae  conscientiae,  quia  semper  admista  est  hyprocrisis,  aut  superbia,  aut  contemptus  :  sic  tamen  suffocatur  interdum  iudicium  et  omnis  intelligentia  in  mente  hominis,  ut  nihil  praeter  nudam  ignorantiam  appareat,  non  aliis  tantum,  sed  ipsi  etiam.  Talis  fuit  Paulus  antequam  illuminaretur  :  ideo  enim  Christum  oderat,  et  eius  doctrinae  erat  infestus,  quod  praepostero  legis  zelo  abripiebatur  nesciens:  neque  tamen  vacuus  erat  hypocrisi,  nec  purus  a  superbia,  ut  esset  coram  Deo  excusabilis:  sed  vitia  illa  penitus  ignorantia