47:338  quae  morti  non  erat  obnoxia.  Testatum  enim  esse  discipulis  oportuit,  non  infirmitate  ipsum  succumbere,  ne  minus  honorifice  de  virtute  eius  sentirent.  Verum  in  hac  generali  sententia  etiam  illa  prior  includitur,  quod  Satanae  in  subeunda  morte  obstrictus  non  sit.  Unde  colligitur,  vicem  nostram  quum  se  morti  submitteret  obiisse.  31.  Tit  cognoscat  mundus.  Aliqui  uno  contextu  legunt:  Ut  cognosoat  ete,  surgite,  eamus  hinc:  ut  plena  sit  oratio:  alii  seorsum  legunt  verba  illa,  et  hic  defectum  esse  putant.  Quia  non  magni  interest  quoad  sensum,  utrumvis  eligas  in  medio  relinquo.  Hoc  praecipue  notandum  est,  hic  Dei  decretum  statui  summo  loco,  ne  Christum  putemus  Satanae  violentia  raptum  ita  fuisse  ad  mortem,  ut  quidquam  illi  praeter  Dei  consilium  acciderit.  Deus  enim  est,  qui  filium  suum  ordinavit  propitiatorem,  et  qui  eius  morte  expiari  mundi  peccata  voluit.  Hoc  ut  fierit,  Satanae  ad  breve  tempus  permisit  quasi  victorem  illi  insultare.  Satanae  ergo  non  resistit  Christus,  ut  patris  decreto  obtemperet  atque  ita  suam  obedientiam  in  pretium  iustitiae  nostrae  offerat.  Surgite,  eamus  hinc.  Nonnulli  existimant  Christum  his  dictis  locum  mutasse,  et  quae  sequuntur  inter  ambulandum  fuisse  ab  eo  dicta:  sed  quum  postea  subiiciat  Ioannes  egressum  fuisse  Christum,  magis  consentaneum  videtur,  quod  discipulos  hortari  Christus  voluerit  ad  idem  obsequium  Deo  praestandum,  cuius  tam  praeclarum  specimen  in  ipso  cernebant,  non  autem  quod  eodem  momento  ipsos  eduxerit.  CAPUT  xv.  1.  Ego  sum  vitis  vera,  et  pater  meus  agricola  est.  2.  Omnem  palmitem  in  me  non  ferentem  fructum  tollet,  et  quicunque  fructum  affert,  purgabit  eumf  td  abundantiorem  fructum  afferat  3.  Iam  vos  mundi  estis  propter  sermonem,  quem  loquutus  sum  vobis.  4.  Manete  in  me,  et  ego  in  vobis.  Quemadmodum  palmes  non  potest  ferre  fructum  a  se  ipso,  nisi  manserit  in  vite:  sic  neque  vos,  nisi  in  me  manseritis.  5.  Ego  sum  vitis,  vos  palmites*  Qui  manet  in  me,  et  ego  iti  eo,  hic  fert  fructum  multum  :  quia  sine  me  non  potestis  quidquam  facere.  6.  Si  quis  non  manserit  in  me,  ubi  eiectus  fuerit  foras,  tanquam  palmes,  et  exaruerit,  colligent  ipsum,  et  in  ignem  coniicient,  et  ardebit.  1.  Ego  sum  vitis.  Summa  huius  similitudinis  est,  nos  steriles  esse  atque  aridos  natura,  nisi  quatenus  Christo  insiti  novam  vim  et  adventitiam  ab  eo  haurimus.  "AJITCSXOV  alios  sequutus  vitem  transtuli,  xXifjixaxa  palmites.  Est  autem  vitis  proprie  planta  ipsa,  non  ager  vitibus  consitus,  quem  vineam  appellant.  Quanquam  interdum  pro  vinea  capitur:  22