41:338  il  ne  scait  pas  ce  qui  luy  doit  estre  prononce.  Et  ce  pendant  si  est  ce  que  le  voila  tellement  saisi  de  telle  crainte  que  c'est  autant  comme  si  desia  il  estoit  condamne  a  mort.  Autant  nous  en  adviendra  il  quant  nous  aurons  repousse  Dieu,  que  sa  parole  n'aura  point  eu  de  maieste  envers  nous.  Il  faudra  qu'il  nous  face  sentir  que  c'est  luy  qui  parle.  Et  ce  pendant  nous  ne  scaurons  que  faire  ne  que  dire,  nous  aurons  bien  les  aureilles  batues  de  la  doctrine,  mais  ce  ne  sera  que  a  nostre  condemnation.  Craignons  donc  qu'une  telle  punition  ne  nous  advienne  et  la  prevenons  par  le  moien  que  i'ay  desia  declare,  C'est  a  scavoir  que  si  tost  que  Dieu  parlera  que  nous  aions  nos  courages  tous  ouvers,  nos  affections  rengees  pleinement  a  luy.  Voila  donc  quant  a  ce  point,  et  au  reste  regardons  aussi  a  ce  qui  nous  est  propose  d'Esau,  Car  en  luy  nous  voions  les  deux  choses  que  iay  desia  touchees.  C'est  a  scavoir  que  pour  un  temps  il  entend  bien  ce  qui  avoit  este  declare  a  sa  mere,  qu'il  devoit  estre  le  moindre  et  que  son  frere  devoit  dominer  par  dessus  luy,  se  soucie  il  de  cela?  non,  il  oit  bien  ce  qu'a  este  prononce  de  Dieu,  mais  il  s'en  moque,  ce  luy  est  tout  un,  il  ne  luy  semble  pas  que  cela  doive  iamais  venir  a  son  effet,  Ce  pendant  il  est  Paine,  il  est  le  principal  en  la  maison,  et  Iacob  est  par  dessous  luy.  Voila  donc  comme  Esau  n'est  nullement  affectionne  a,  ce  qui  luy  a  este  declare.  Et  pourquoy?  pource  qu'il  n'apercoit  point  du  premier  coup  que  cela  luy  doive  advenir.  Et  pource  qu'il  n'en  tient  compte  Dieu  le  transporte  tellement  que  luy  mesme  se  despouille  de  son  droit  de  primogeniture  et  le  vend  pour  une  esculee  de  souppe.  Mais  quand  ce  vient  que  son  pere  a  benit  Iacob  en  son  lieu,  alors  le  voila  saisi  d'une  telle  fraieur  qu'il  cognoit  bien  que  veut  dire  ceste  benediction  la,  et  mon  pere,  dit  il,  n'i  a  il  point  de  benediction  pour  moy?  ii  halle  comment  une  beste,  et  connoist  bien  sa  faute,  il  est  confus,  mais  c'est  a  cause  que  Dieu  Pa  navre  iusques  au  profond  du  coeur,  qu'il  est  contraint  de  se  tempester,  et  de  crier,  et  toutesfois  ses  complaintes  ne  luy  servent  de  rien,  Et  cette  remontrance  la  nous  est  faite  par  l'Apostre  en  l'epitre  aux  Ebrieux,  ou  il  est  dit,  Ne  soies  point  prophanees  comme  Esau.  Il  use  de  ce  mot  comme  s'il  disoit,  ne  soies  point  adonnes  au  monde,  ne  vous  prives  point  de  ce  bien  spirituel,  qui  vous  est  presente,  retires  vous  donc  du  monde,  et  vous  addonnes  du  tout  a  Dieu,  car  si  vous  estes  semblables  a  Esau  vous  voies  ce  qui  luy  est  advenu,  qu'il  n'a  point  trouve  lieu  de  repentance,  combien  qu'il  cerchat  avec  larmes,  et  la  raison  pource  qu'il  avoit  abuse  trop  long  temps  de  la  patience  de  Dieu,  Ainsi  donc  retirons  nous  du  monde  et  de  ses  allechemens,  puis  que  Dieu  nous  ouvre  auiourd'huy  la  porte  de  son  roiaume,  que  22