32:338  elegit.  Quibus  verbis  docet,  ubi  testata  nobis  est  Dei  adoptio,  salutem  quoque  certam  nobis  esse.  Crassius  hoc  modo  exponere  licebit  prophetae  mentem:  Quum  Dei  sit  perpetuum  munus  redimere,  non  sit  autem  promiscue  omnium  redemptor,  sed  tantum  electi  populi,  minime  timendum  esse  quin  fideles  ex  malis  omnibus  emergant:  quia  alioqui  cessaret  Deus  ab  officio  quod  sibi  vendicat.  Atque  iterum  inculcat,  modo  ad  reatum  deprecandum  supplex  accedat  Israel,  peccata  eius  non  fore  obstaculo  quominus  Deus  sit  redemptor.  Etsi  enim  fttt  saepe  pro  poena  peccati  ponitur,  subest  tamen  culpae  ��notatio.  Iam  quoties  poenarum  mitigationem  Deus  promittit,  simul  docet  peccatis  se  fore  placabilem:  imo  reconciliatione  oblata,  spem  veniae  facit  peccatoribus.  Secundum  hunc  sensum  dicitur  ecclesiam  suam  redempturus,  non  ab  exilio  babylonico,  vel  a  tyrannide  et  iniuriis  hostium,  vel  a  penuria,  vel  denique  ab  aliis  incommodis,  sed  a  peccatis,  quia  donec  hominibus  quos  affligit  ignoscat,  nulla  speranda  est  liberatio.  Quomodo  igitur  vel  quo  ordine  petenda  sit  a  malis  omnibus  liberatio,  hinc  discamus,  nempe  ut  semper  primum  gradum  teneat  peccatorum  remissio,  sine  qua  feliciter  nihil  succedet.  Nam  qui  poenas.tantum  excutere  cupiunt,  similes  sunt  deliris  aegrotis,  qui  de  morbo  non  solliciti  tantum  ad  symptomata  curanda  intenti  sunt.  Ergo  ut  nos  a  miseriis  liberet  Deus,  danda  in  primis  opera  est,  ut  abolitis  peccatis  redeamus  cum  ipso  in  gratiam:  alioqui  parum  proderit,  temporalem  poenam  laxari:  quia  id  reprobis  etiam  saepe  contingit:  haec  autem  est  solida  liberatio,  ubi  Deus  abolitis  peccatis  propitium  se  ostendit.  Unde  etiam  colligimus,  minime  timendum  esse,  ubi  veniam  adepti  erimus,  quin  humanitas  Dei  et  clementia  nobis  parata  sit  et  exposita,  quia  Redimere  ab  iniquitate,  tantundem  valet  atque  poenis  vel  castigationibus  modum  imponere.  Quo  refellitur  perversum  commentum  de  satisfactionibus  et  purgatorio,  quasi  Deus  culpam  condonans,  poenam  retineat.  Quod  si  quis  obiiciat,  puniri  interdum  a  Domino  qui  iam  adepti  sunt  veniam  :  concedo,  non  semper  eodem  momento  Deum  favoris  sui  signa  ostendere  hominibus,  quo  sibi  eos  reconciliat:  sed  quamvis  eos  erudiat  in  posterum,  rigorem  suum  interea  lenire.  Id  vero  nihil  ad  satisfactiones  pertinet,  quibus  papistae  fingunt  se  Deo  afferre  dimidiae  redemptionis  pretium.  Certe  innumeris  locis,  ub  Deus  externas  benedictiones  populo  suo  promittit,  semper  exordium  facit  a  culpae  remissione.  Quare  nimis  crassa  inscitia  est,  non  remitti  poenam  donec  operibus  placatus  sit.  Iam  quum  Dei  consilium  sit,  poenis  ad  obsequium  cogere  fideles,  perperam  hoc  ultra  .mortem  extenditur.  Sed  non  mirum  est  papistas  tot  profana  somnia  coacervare,  qui  unicum  reconciliationis  modum  non  tenent,  nempe  Deum  22