20:338  plodunt  atque  reiiciunt  utrique,  tanquam  erroneam,  id  est,  scholasticam  atque  papisticam.  Quum  vero  dicitur,  pater,  filius  et  spiritus  sanctus  sunt  sive  est  unus  Deus,  ut  particula  unus  Deus  praedicetur  de  tribus  personis  divinitatis,  veram  et  catholicam  esse  propositionem  conciliatores  isti  affirmant.  Adiecta  tamen  semper,  intellecta  et  subaudita  praedicta  interpretatione,  unus  Deus,  non  persona,  sed  indifferenti  natura.  Qua  propositione  admissa  efc  amplexa  secundum  istorum  sententiam  totam  istam  controversiam  planam  et  facilem  esse,  et  discussam  omnino  videri,  ut  quae  iam  antea  sit  patrum  scriptis  satis  luculenter  evidenterque  explicata,  expensa  et  conciliata.  Pro  qua  quidem  opinione  egregius  vir,  eruditione  et  pietate  praestans  D.  Franciscus  Lisinanimis  Corcyreus,  theologiae  doctor,  quum  in  sinceriori  religione,  tum  in  scholastica  theologia  et  lectione  patrum  exercitatissimus,  comportavit  ex  scriptis  eorumdem  patrum  certas  sententias,  easque  in  specialem  libellum  collectas  hinc  inde  per  Poloniam,  partim  ad  viros  doctos,  partim  ad  proceres  misit,  ac  missum  etiam  eundem  libellum  audivimus  ad  praest.  tuam,  et  ad  Tigurinos.  Quae  quidem  opinio  tametsi  proxime,  ut  dixi,  accedat  ad  opinionem  Antitrinitariorum,  tametsi  etiam  ea  non  semel  in  synodis  polonicis  proposita  et  agitata  fuerit,  in  hanc  usque  tamen  diem  recepta  non  est,  et  adduntur  eius  rei  certae  caussae  et  rationes  evidentia  non  carentes.  Primum  quum  dicitur,  pater,  filius  et  spiritus  sanctus  sunt  unus  Deus,  non  persona,  sed  indifferenti  natura,  respondent  amphibologicam  esse  propositionem.  Si  enim  indifferenti  natura  pater,  filius  et  spiritus  sanctus  Deus  unus  est:  ergo  quemadmodum  pater  a  se  ipso  subsistit,  et  a  se  ipso  suum  esse  habet,  eadem  quoque  ratione  et  filius  et  spiritus  sanctus  ex  se  subsistunt,  et  a  se  suum  esse  habent.  Hoc  enim  indifferens  natura  vult,  ut  ea  communis  sit  tribus  aliunde.  Atque  eo  modo  amitti  veram  genesin  filii,  et  genuinam  spiritus  sancti  processionem  ex  patre,  divinitatis,  uti  dictum  est,  fonte.  Et  quod  huiusmodi  propositio  incidat  prorsus  in  sententiam  papisticam  de  uno  Deo  in  essentia  et  trino  in  personis,  et  sic  in  quaternitatem,  et  ex  consequentia  in  pluralitatem  Deorum  ex  pluribus  principiis,  uti  supra  dictum  est.  Deinde,  quid  opus  est,  inquiunt,  petere  humanam  interpretationem  aut  ea  niti,  ubi  scriptura  clarissime  et  distinctissime  loquitur  de  uno  Deo  patre  illo  ex  quo  omnia:  et  de  uno  filio  Dei,  per  quem  omnia:  et  de  uno  spiritu  paracleto,  in  quo  omnia.  Quo  loci  semper  isti  ad  suum  illud  usitatum  axioma,  tanquam  ad  unum  maximum  recurrunt  ,  illudque  conciliationi  praedictae  obiiciunt,  nempe:  Quoties  unus  Deus  in  scripturis  absolute  ponitur,  intelligendum  semper  esse  de  patre,  et  22