1:338  rapinis  et  homicidiis  foedatae,  guttura  sepulcris  patentibus  similia,  linguae  fraudulentae,  venenata  labia,  opera  inutilia,  iniqua,  putrida,  letalia;  quorum  animus  sine  Deo,  quorum  intima  pravitates,  quorum  oculi  ad  insidias,  animi  ad  insultandum  elati,  omne.s  denique  partes  ad  infinita  flagitia  concinnatae?  Si  omnibus  eiusmodi  portentis  obnoxia  est  unaquaeque  anima,  quemadmodum  audacter  pronuntiat  apostolus,  videmus  certe  quid  futurum  sit,  si  Dominus  humanam  libidinem  pro  sua  inclinatione  vagari  sinat:  nulla  est  rabiosa  bellua  quae  tam  praecipitanter  feratur;  nullum  est  quamlibet  rapidum  ac  violentum  flumen,  cuius  adeo  impetuosa  sit  exundatio.  In  electis  suis  morbos  istos  curat  Dominus,  eo  quem  mox  exponemus  modo;  in  aliis  iniecto  fraeno  duntaxat  coercet,  tantum  ne  ebulliant,  quatenus  expedire  providet  ad  conservandam  rerum  universitatem.  Hinc  alii  pudore,  alii  legum  metu  retinentur,  ne  in  multa  foeditatis  genera  prorumpant,  utcunque  suam,  magna  ex  parte,  impuritatem  non  dissimulent;  alii,  quia  honestam  vivendi  rationem  conducere  ducant,  ad  eam  utcunque  aspirant;  alii  supra  vulgarem  sortem  emergunt,  quo  -sua  maiestate  alios  contineant  in  officio.  Ita  sua  providentia  Dominus  naturae  perversitatem  refraenat,  sed  non  purgat.  50.  Nondum  tamen  solutus  est  scrupulus.  Aut  enim  Camillum  parem  Catilinae  faciamus,  convenit;  aut  in  Camillo  habebimus  exemplum,  naturam,  si  studio  excolatur,  bonitate  non  prorsus  vacare.  Ego  vero  fateor,  quae  in  Camillo  fuerunt  speciosae  dotes,  et  Dei  fuisse  dona,  et  iure  commendabiles  videri,  si  in  se  aestimentur;  sed  quomodo  naturalis  probitatis  erunt  in  ipso  documenta?  Annon  ad  animum  redeundum  erit  et  haec  ducenda  ratiocinatio?  Si  homo  animalis  tali  morum  integritate  praestitit,  non  deesse  utique  naturae  ad  virtutis  studium  facultatem.  1)  Quid  autem  si  animus  pravus  fuerit  et  contortus,  qui  aliud  potius  quidvis  quam  rectitudinem  sectatus  sit?  Et  talem  fuisse  non  dubium  est,  si  animalem  illum  hominem  concedis.  Quam  mihi  in  hac  parte  praedicabis  humanae  naturae  ad  bonum  potentiam,  si  in  summa  integritatis  specie  semper  ad  corruptionem  ferri  deprehenditur?  Ergo,  ut  hominem  a  virtute  non  commendaveris,  cuius  vitia  sub  virtutis  imagine  imponunt;  ita  humanae  voluntati  recti  expetendi  facultatem  non  tribuas,  quantisper  ipsa  in  sua  perversitate  defixa  est.  Quanquam  haec  certissima  est  et  facillima  huius  quaestionis  solutio:  non  esse  istas  communes  naturae  dotes,  sed  speciales  Dei  gratias,  quas  varie  et  ad  certum  modum  profanis  alioqui  homimbus  dispensat.  Qua  ratione  non  formidamus  in  vulgari  sermone  hunc  bene  natum,  illum  pravae  naturae  di-  1)  Haec  disputat  August,  lib.  4.  contra  Iulianum.  22