7:337  S37  CALUMNIAS.  338  esse  innoxios  et  immunes  a  crimine,  cuius  illos  insimulaverat.  Hoc  quum  denunciasset  illi  consul  pro  more,  noctem  illam  alicubi  delituit,  ac  postridie  clam  aufugit  ante  diluculum.  Audita  eius  fuga,  iterum  in  senatum  veniunt  tres  illi  fratres,  ac  quam  atrox  fuisset  Caroli  accusatio  ostendunt:  se  enim  fuisse  eius  criminis  falso  delatos,  cuius  si  convicti  essent,  lapidibus  obrui  merebantur  tam  a  fidelibus  quam  a  papistis.  Postularunt  ergo  a  senatu  testimonium  suae  innocentiae,  ne  qua  nota  in  suo  ministerio  resideret.  Senatus  diploma  testimonii  concessit  in  hanc  formam:  Nos  consul  senatusgue  Bernensis  his  Uteris  testatum  esse  volumus,  quum  doctor  Petrus  Carolus  magistros  Guillelmum  Farellum,  Ioannem  Calvinum,  concionatores  Genevenses,  Petrum  Viretum,  concionatorem  Lausannensem,  et  alios  quosdam  novae  ditionis  concionatores  haereseos  Arianae  insimulaverim  super  qua  criminatione  conventus  ab  illis  fuerit  primum  in  synodo  Lausannensi,  deinde  in  synodo  hic  habita,  [pag.  89]  ac  partibus  utrinque  auditis,  Carolus  Ipse  demonstrare  probareque  non  potuerit  veram  esse  suam  accusationem,  qua  de  causa  illi  qui  accusati  fuerant,  cogniti  ac  iudicati  sunt  innocentes,  et  accusationes  iniquae  pronimciatae:  nunc  supradicti  Farellus,  Calvinus  et  Viretus,  suo  et  suorum  nomine,  ius  sibi  dici  adversus  Carolum  postularunt  pro  reparatione  iniuriae  sibi  factae.  Nos  vero  causam  consistorio  nostro  mandavimus,  coram  quo  comparuerunt  partes.  Verum  Carolus  sententiae  ac  decreto  consistorii  stare  noluit.  Proinde  iterum  partes  ad  nos  remissae  fuerunt,  ac  Farellus  quidem,  Calvinus  et  Viretus  heri  se  nobis  obtulerunt  Sed  Carolus  non  apparuit.  Quamobrem  eum  perquiri  iussimus  ab  uno  ex  viatoribus  nostris,  qui  retulit  eum  abiise.  Hoc  cognito  postularunt  a  nobis  supradicti  Farellus,  Calvinus  et  Viretus  congruo  aliquo  remedio  sibi  caveri,  ac  dari  authenticam  testificationem  innocentiae  suae,  quod  illis  iure  negare  non  potuimus.  Quare,  illorum  rogatu,  has  literas  iussimus  confici,  quibus  mandamus  ac  praecipimus  omnibus  officiariis  nostris,  qui  a  supradictis  Farello,  Calvino,  Vireto,  aut  eorum  sociis  in  praesenti  causa  generaliter  vel  particulariter  rogati  fuerint,  ut  adversus  ipsum  Carolum  et  eius  consortes  summarie  illis  ius  administrent.  Ita  nobis  placet,  praesentium  vigore,  quae  sigillo  nostro  sunt  obsignatae.  Datae  septimo  Iunii  anno  1537.  [pag.  90]  Si  hoc  solum  diploma  repellendis  omnibus  Caroli  mendaciis  oppositum  foret,  quid  aliud  requirerent  prudentes  et  sani  lectores?  Nunc  vero,  quum  nullum  fere  verbum  sit  in  toto  eius  libello,  quod  non  liquido  refutaverim  productis  certis  testimoniis,  non  video  quid,  post  hanc  tam  illustrem  clausulam,  dicendum  amplius  supersit.  Et  certe  quod  Calvini  opera.  Vol  VIL