55:337  337  CAPUT  III.  338  opera  censeri  non  desinunt,  quae  manant  ex  gratia  spiritus,  quia  voluntaria  sunt.  Habent  etiam  mercedem,  quia  gratuito  accepta  hominibus  feruntur,  perinde  ac  si  ipsorum  essent.  Sed  hic  exoritur  quaestio,  an  simul  ac  regenitus  est  quispiam  Dei  spiritu,  nunquam  possit  in  eo  exstingui  timor  Dei  et  pietas,  floc  enim  videntur  sonare  apostoli  verba.  Qui  aliter  sentiunt,  citant  Davidis  exemplum,  qui  ad  tempus  sic  oppressus  est  beluino  stupore,  ut  nulla  scintilla  in  eo  appareat.  Quin  etiam  psalmo  51,  eum  sibi  restitui  petit.  Unde  sequitur,  fuisse  privatum.  Ego  tamen  non  dubito  quin  semen  illud,  quo  electos  suos  regenerat  Deus,  ut  est  incorruptibile,  ita  perpetuam  vim  retineat.  Fieri  quidem  posse  concedo  ut  interdum  suffocetur,  quemadmodum  in  Davide:  sed  tamen  quo  tempore  videbatur  exstincta  esse  omnis  in  eo  pietas,  carbo  vivus  sub  cineribus  latebat.  Conatur  quidem  Satan  evellere  quidquid  Dei  est  in  electis  :  sed  ubi  plurimum  illi  permittitur,  manet  semper  occulta  radix,  quae  deinde  pullulat.  Caeterum  Iohannes  non  de  uno  actu  (ut  vocant)  hic  loquitur:  sed  de  continuo  vitae  tenore.  Fanatici  quidam  aeternum  nescio  quod  semen  in  electis  somniant,  quod  semper  afferant  ex  matris  utero  :  sed  huc  plusquam  importune  torquent  Iohannis  verba.  Neque  enim  de  aeterna  electione  disputat,  sed  initium  a  regeneratione  facit.  Sunt  etiam  alii  bis  furiosi,  qui  hoc  praetextu  fidelibus  quidvis  licere  volunt,  quia  Iohannes  posse  eos  peccare  negat.  Volunt  ergo  ut  sine  discrimine  sequamur  quocunque  nos  affectus  tulerit:  ita  scortandi,  furandi  et  occidendi  licentiam  faciunt:  quia  peccatum  esse  nequeat  ubi  regnat  Dei  spiritus.  Sed  longe  alia  est  mens  apostoli.  Peccare  enim  ideo  negat  fideles  quia  eorum  cordibus  legem  suam  Deus  insculpsit,  quemadmodum  habetur  apud  prophetam  (Ierem.  31,  33).  10.  In  hoc  manifesti  sunt.  Paucis  verbis  concludit,  frustra  sibi  locum  et  nomen  arrogare  inter  Dei  filios  qui  non  se  tales  probant  pia  et  sancta  vita:  quandoquidem  hac  nota  differant  a  filiis  diaboli.  Porro  non  ita  manifestos  intelligit,  ut  palam  dignosci  a  toto  mundo  queant:  sed  hoc  tantum  vult,  fructum  et  effectum  divinae  adoptionis  semper  exstare  in  vita.  Quisquis  non  facit  iustitiam,  non  est  ex  Deo:  et  qui  non  diligit  fratrem  suum.  ll.  Quia  haec  est  praedicatio  quam  audistis  ab  initio,  ut  mutuo  nos  diligamus:  12.  Non  sicut  Cain  qui  ex  maligno  erat,  et  occidit  fratrem  suum.  Et  qua  de  causa  eum  occidit?  Quia  opera  eius  mala  erant,  fratris  autem  iusta.  13.  Ne  miremini,  fratres  me%  si  vos  mundus  odii.  Qui  face  iustitiam.  Facere  iustitiam,  et  facere  Calvini  opera.  Vol.  LV.