51:337  337  SUR  L'EPITRE  AUX  EPHESIENS.  338  noble  et  le  plus  excellent  qu'on  pourra-  penser,  est  la,  a  scavoir  en  nostre  Seigneur  Iesus  Christ,  et  luy  faut  chercher:  comme  aussi  il  en  parle  au  1.  chap.  des  Colossiens.  Car  ce  n'est  point  d'auiourd'huy  que  le  monde  a  cerche  occasion  de  se  destourner  de  Iesus  Christ,  sons  ombre  de  cercher  les  Anges  de  Paradis.  Comme  nous  voyons  que  les  creatures  de  Dieu  sont  tousiours  tirees  a  quelque  superstition,  et  qu'on  en  fait  des  idoles,  d'autant  que  Dieu  exerce  son  Empire  par  les  Anges,  et  qu'ils  sont  comme  ses  mains,  qu'ils  sont  ses  officiers  et  instrumens.  Voila  pourquoy  ils  cuident  avoir  beaucoup  fait,  de  s'estre  recommandez  ou  a  sainct  Michel,  ou  a  sainct  Gabriel,  ou  a  ie  ne  scay  qui.  Car  (comme  i'ay  dit)  ce  ne  pas  un  vice  forge  de  nouveau:  le  diable  qui  est  autheur  et  pere  de  mensonge  de  tous  temps,  a  embrouille  les  hommes  de  telles  fantasies:  et  mesmes  les  Chrestiens  ont  ensuyvi  les  histoires  profanes  en  cela.  Car  les  Payens  ont  tousiours  pense  que  les  Anges  fussent  comme  des  demi  dieux:  et  ont  pense  les  avoir  pour  mediateurs,  pour  pouvoir  approcher  de  Dieu,  d'autant  qu'ils  n'en  estoyent  pas  dignes.  Et  voila  comme  les  Papistes  parlent  encores  auiourd'huy.  Or  desia  du  temps  de  sainct  Paul  ces  abominations  commencoyent  a  se  bastir  par  dessous  terre.  Et  voila  pourquoy  il  monstre  qu'il  n'est  point  licite  de  rien  opposer  a  Iesus  Christ:  combien  qu'on  magnifie  les  Anges,  combien  qu'ils  soyent  appelez  vertus,  puissances,  seigneuries,  empires,  qu'on  en  dise  tout  ce  qu'on  voudra  :  mais  si  faut-il  qu'ils  se  rangent,  et  qu'ils  soyent  inferieurs  au  Chef,  et  que  la  principale  dignite  soit  reservee  au  Fils  de  Dieu,  d'autant  que  tout  genouil  doit  estre  ploye  devant  luy,  non  seulement  des  creatures  de  ce  monde,  mais  aussi  des  celestes.  Nous  voyons  donc  pourquoy  maintenant  sainct  Paul  a  ici  assemble  tant  de  mots  pour  exprimer  les  Anges,  c'est  a  fin  que  nous  fussions  tant  mieux  retenus  en  nostre  Seigneur  Iesus  Christ,  et  en  nous  arrestant  en  luy  seul,  que  nous  n'extravaguions  point  ni  de  coste  ni  d'autre,  sous  ombre  que  les  Anges  ont  des  dons  excellens  et  magnifiques.  Et  ainsi  nous  voyons  et  pouvons  recueillir  de  ce  passage,  que  toutes  ces  sottises  de  la  Papaute,  quand  on  a  imagine  des  patrons  et  advocats,  et  mediateurs  envers  Dieu,  que  tout  cela  n'est  venu  sinon  par  faute  de  cognoistre  nostre  Seigneur  Iesus  Christ  et  ce  qui  luy  est  donne  de  Dieu  son  Pere:  car  nous  sommes  disposez  pour  nous  reposer  en  luy,  quand  nous  scavons  pourquoy  il  nous  est  apparu.  Mais  d'un  coste,  les  Papistes  ont  cuide  qu'ils  fussent  separez  de  nostre  Seigneur  Iesus  Christ,  et  n'ont  pas  cognu  qu'il  s'estoit  fait  nostre  frere,  a  fin  que  nous  ayons  acces  familier  a  luy.  Et  puis  d'autre  part,  ils  l'ont  despouille  de  son  office  qui  luy  est  attribue  en  l'Escriture  saincte,  et  en  ont  fait  comme  Calvini  opera.  Vol.  LL