5:337  CATECHISMUS.  persi,  extra  nos  iustificemur  oportet.  Nempe  Christo  semper  opus  habemus,  cuius  perfectione  tegatur  nostra  imperfectio,  cuius  puritate  nostra  immundities  [pag.  23]  abluatur,  cuius  obedientia  nostra  iniquitas  deleatur,  ob  cuius  denique  iustitiam  nobis  iustitia  gratis  imputetur,  sine  ulla  operum  nostrorum  ratione,  quae  tanti  nullo  modo  sunt,  ut  in  Dei  iudicio  subsistant.  Caeterum  dum  maculae  nostrae,  quae  contaminare  alioqui  opera  nostra  coram  Deo  poterant,  sic  conteguntur:  Dominus  in  illis  nihil  nisi  summam  puritatem  ac  sanctitatem  respicit.  Itaque  praeclaris  elogiis  ea  dignatur.  Nam  et  iustitias  appellat,  ac  reputat,  et  amplissimam  iis  remunerationem  pollicetur.  Denique  sic  in  summa  statuendum  est,  tantum  valere  Christi  societatem,  ut  ob  ipsam  non  modo  iusti  gratis  censeamur:  sed  nostra  quoque  opera  in  iustitiam  nobis  imputentur,  et  aeterno  praemio  compensentur.  SYMBOLUM  FIDEI.  Dictum  est  supra,  quid  m  Christo  per  fidem  consequamur:  nunc  quid  in  Christo  fides  nostra  intueri,  ad  sese  confirmandam,  et  considerare  debeat,  audiendum  est.  Id  autem  in  symbolo,  quod  vocant,  explicatur,  nempe  qua  ratione  factus  sit  nobis  a  patre  Christus  sapientia,  redemptio,  vita,  iustitia,  sanctificatio  (1  Cor.  1,  30).  Neque  vero  magnopere  refert,  a  quo  sit  autore  edita,  vel  a  quibus  potius  conscripta  haec  fidei  epitome:  quae  nihil  humanum  prorsus  habet,  sed  ex  certissimis  scripturae  testimoniis  collecta  est.  Ne  quem  vero  perturbet,  quod  in  Patrem,  Filium,  ac  Spiritum  sanctum  credere  nos  confitemur,  paucis  de  hac  re  praefandum  est.  Dum  Patrem,  Filium,  ac  Spiritum  nominamus,  non  tres  deos  nobis  fingimus,  sed  in  simplicissima  Dei  unitate,  et  scriptura,  et  ipsa  pietatis  experientia  Deum  patrem,  eius  [pag.  24]  Filium  ac  Spiritum  nobis  ostendunt.  Ut  concipere  intelligentia  nostra  Patrem  nequeat,  quin  et  Filium  simul  complectatur,  in  quo  viva  eius  imago  relucet:  et  Spiritum,  in  quo  potentia  virtusque  eius  conspicua  est.  In  uno  igitur  Deo  tota  mentis  cogitatione  defixi  haereamus:  interim  tamen  Patrem  cum  Filio  et  Spiritu  suo  contemplemur.  Credo  in  unum  Deum  patrem,  omnipotentem,  creatorem  coeli  et  terrae.  His  verbis  non  Deum  ut  esse  credamus,  simpliciter  docemur:  sed  magis  ut  esse  Deum  nostrum  agnoscamus,  ac  nos  esse  in  eorum  numero  confidamus,  quibus  pollicetur  se  fore  Deum  et  quos  in  populum  recipit  (Lev.  26,  12  et  alibi).  Tribuitur  illi  omnipotentia,  qua  significatur  et  providentia  sua  administrare  omnia,  et  voluntate  gubernare,  et  virtute  Calvini  opera.  Vol  V.