49:337  337  CAPUT  IL  338  cipationem  iterum  repetit  quod  iam  concesserat,  evangelium  non  esse  humanam  sapientiam  :  ne  quis  obiiceret  paucos  esse  huius  doctrinae  suffragatores,  quin  potius  eam  ab  excellentissimis  quibusque  ingeniis  contemni.  Ultro  itaque  fatetur  quod  obiici  poterat:  sed  ita  ut  nihil  inde  causae  suae  decedat.  Principum  saeculi  huius.  Principes  mundi  vocat  qui  quacunque  dote  in  mundo  excellunt.  Sunt  enim  interdum  qui,  etsi  ingenii  acumine  minus  valeant,  tamen  admirationi  habentur  ob  personae  quam  sustinent  dignitatem.  Verum  ne  his  larvis  terreamur,  subiicit  apostolus  eos  aboleri  vel  perire.  Neque  enim  convenit  ut  res  aeterna  pendeat  ab  eorum  autoritate,  qui  sunt  evanidi  et  caduci,  nec  sibi  ipsis  perpetuitatem  dare  queunt:  ac  si  diceret:  quum  revelatur  Dei  regnum,  facessat  mundi  sapientia,  et  res  caduca  aeternae  cedat.  Habent  enim  principes  mundi  suam  excellentiam,  sed  quae  momento  exstinguitur.  Quid  hoc  ad  eoeleste  et  incorruptibile  Dei  regnum?  7.  Sapientiam  Dei  in  mysterio.  Rationem  assignat  cur  non  magni  fiat  a  mundi  principibus  evangelii  doctrina:  quia  mysteriis  involuta  sit,  et  ideo  abscondita.  Ita  enim  supereminet  humani  ingenii  perspicaciam  evangelium,  ut  quamlibet  sursum  oculos  attollant  qui  prae  aliis  ingeniosi  putantur,  ad  eius  altitudinem  nunquam  perveniant:  interim  tamen  quasi  ad  pedes  abiectum  foret,  eius  humilitatem  despiciunt.  Ita  fit  ut  quo  superbius  ipsum  contemnunt,  absint  ab  eius  cognitione1)  longius:  imo  longa  distantia  remoti  ab  intuitu  arceantur.  Quam  praefinivit  Deus.  Quia  dixerat  Paulus  evangelium  rem  esse  arcanam,  periculum  erat  ne  hoc  audito  fideles,  difficultate  territi,  refugerent  ac  desponderent  animos.  Ergo  occurrit  huic  periculo,  ac  pronuntiat  destinatum  nihilominus  esse  nobis,  ut  eo  fruamur.  Ne  quis,  inquam,  latentem  sapientiam  nihil  ad  se  pertinere  ducat:  aut  etiam  nefas  esse  putet,  in  eam  intendere  oculos,  quia  non  sit  humano  captui  exposita:  communicatam  nobis  aeterno  Dei  consilio  esse  docet.  Quamquam  altius  quoque  respexit:  tacita  enim  comparatione  amplificat  gratiam,  quae  Christi  adventum  patefacta  nos  patribus,  qui  sub  lege  vixerunt,  excellentiores  reddit  Qua  de  re  plura  diximus  in  fine  ultimi  capitis  ad  Romanos.  Primum  autem  ab  ordinatione  Dei  argumentatur  :  nam  si  Deus  nihil  frustra  statuit,  sequitur  nos  operam  non  perdituros  in  audiendo  evangelio  quod  nobis  destinavit:  se  enim  modulo  nostro  attemperat,  quum  nobis  loquitur.  Atque  huc  pertinet  illud  Iesaiae  (45,  19):  Non  in  latebris  loquutus  sum,  neque  in  obscuro  angulo.  Non  frustra  dixi  semini  Iacob,  quaerite  me.  Deinde  quo  amabile  reddat  evangelium,  et  ad  eius  discendi  desiderium  nos  alliciat,  a  fine  *)  remotiores