47:337  337  CAPUT  XV.  338  non  frustra  quasi  in  aerem  sparsa  suisse  verba,  sed  iactum  suisse  in  terram  semen.  Quemadmodum  autem  hic  de  sermone  suo  et  rerum  eventu  loquitur  Christus,  ita  mors  eius  et  resurrectio  et  in  coelum  adscensus  in  unum  cum  doctrina  coalescunt,  ut  fidem  in  nobis  generent.  SO.  Non  amplius  multa  loquar  vobiscum.  Hoc  verbo  attentos  sibi  discipulos  reddere  voluit,  et  eorum  animis  suam  doctrinam  altius  infigere.  Satietas  enim  fastidium  ut  plurimum  affert.  Ardentius  autein  expetitur*  quod  non  habetur  ad  manum,  et  excipitur  maiori  studio,  quod  statim  e  medio  tollendum  est.  Denuntiat  ergo  se  brevi  abiturum,  quo  magis  cupidi  sint  audiendae  doctrinae.  Quanquam  autem  toto  vitae  cursu  docere  nos  non  cessat  Christus,  potest  tamen  etiam  ad  usum  nostrum  aptari  haec  sententia:  quia  quum  breve  sit  vitae  nostrae  curriculum  occasione  utendum  est.  Venit  enim  princeps  huius  mundi.  Poterat  simpliciter  dicere  brevi  se  moriturum,  ac  iam  instare  horam  mortis:  sed  circumloquitur,  ut  praemuniat  eorum  animos,  ne  tam  deformi  et  abominando  mortis  genere  territi  deficiant.  Nam  credere  in  ipsum  crucifixum  nihil  aliud  est  quam  vitam  quaerere  apud  inferos.  Primum  dicit  hanc  Satanae  potestatem  datum  iri:  deinde  addit,  se  ideo  cessurum,  non  quod  necessitate  cogatur,  sed  ut  patri  obediat.  Vocatur  diabolus  mundi  princeps,  non  quod  separatum  aliquod  regnum  a  Deo  habeat,  quemadmodum  finxerunt  Manichaei,  sed  quia  Dei  permissu  suam  in  mundo  tyrannidem  exercet.  Quoties  itaque  hoc  diabolo  epitheton  tribui  audimus,  pudeat  nos  miserae  nostrae  sortis.  Quantumvis  enim  superbiant  homines,  diaboli  mancipia  sunt,  donec  regeniti  sint  Christi  spiritu.  Nam  mundi  nomine  hic  comprehenditur  totum  humanum  genus.  Unus  est  enim  liberator,  qui  nos  ab  hac  horrenda  servitute  eripit  ac  vindicat.  Caeterum  quum  haec  primi  hominis  peccato  inflicta  iuerit  poena,  sicuti  quotidie  in  deterius  ob  nova  peccata  augescit,  discamus  et  nos  et  peccata  nostra  odisse.  Sic  autem  captivi  tenemur  sub  Satanae  imperio,  ut  tamen  non  excuset  nos  a  culpa  haec  servitus,  quae  voluntaria  est.  Notandum  est  praeterea  tribui  hic  diabolo  quod  ab  impiis  hominibus  gestum  est.  Nam  quum  ferantur  Satanae  impulsu,  merito  opus  eius  censetur  quidquid  agunt.  In  me  non  habet  quidquam.  Quia  factum  est  Adae  peccato  ut  mortis  imperium  habeat  Satan,  Christum  qui  ab  omni  noxa  immunis  est  attingere  non  poterat,  nisi  se  ultro  subiecisset.  Quanquam  haec  verba  latius  patere  arbitror  quam  exponi  soleant.  Sic  enim  loquuntur  interpretes:  Nihil  in  Christo  reperit  Satan,  quia  nulla  in  eo  mortis  materia  est,  quum  purus  sit  ab  omni  peccati  labe.  Atqui  meo  iudicio  non  suam  tantum  munditiem  hic  praedicat  Christus,  sed  divinam  quoque  potestatem,  Calvini  opera.  Vol.  XLVII.