41:337  337  SUR  LE  V.  CHAP.  DE  DANIEL.  338  cause  que  ces  malheureux  se  abrutissent  ainsi,  et  s'en  retournent  pius  envenimes  qui  ne  sont  venus  non  pas  qu'ils  viennent  souvent  au  temple,  mais  quand  il  leur  adviendra  d'y  venir,  l'un  y  entrera  plein  d'ambicion  et  d'orgueil,  combien  qu'il  ne  soit  qu'une  beste,  toutesfois  il  voudra  estre  repute  grand  cler,  en  se  monstrant  tel  par  les  tavernes,  et  bien  quand  il  y  vient  en  telle  qualite  qu'il  luy  semble  qu'il  soit  trop  bien  instruit  pour  estre  enseigne  de  Dieu,  ie  vous  prie  quel  proffit  peut  ii  remporter  de  la  doctrine,  Dieu  le  reiette  la  comme  un  chien,  en  sorte  que  la  doctrine  ne  luy  profite  non  plus  qu'a  une  beste,  Les  autres  y  viendront  pleins  d'audace  et  de  rebellion,  qui  ne  feront  que  se  moquer  de  tout  ce  qu'on  leur  alleguera,  Et  d'avantage  ils  concoivent  une  haine  contre  la  parolle  de  Dieu  pour  reiecter  toute  instruction,  les  autres  y  viendront  tout  hebetes  des  ivrongnes,  des  gourmans  subiets  a  toutes  dissolucions  et  intemperances:  On  aura  beau  parler  c'est  autant  comme  si  on  parloit  a  des  troncs  de  bois,  Les  parois  retentiront  bien  de  la  voix,  mais  eux  ils  demeureront  endurcis  en  leur  obstination:  les  autres  seront  tellement  adonnes  a  mal  que  quand  il  y  aura  quelque  vilennie  en  eux,  s'ils  connoissent  qu'ils  en  soient  reprins  et  qu'on  s'adresse  a  eux  (comme  il  faut  que  la  parole  de  Dieu  n'espargne  personne)  ce  sera  pour  les  envenimer  davantage,  car  ils  ont  delibere  de  ne  se  point  changer,  mais  plustost  de  aller  en  empirant.  Ainsi  donc  nous  voyons  les  exemples  devant  nos  yeux,  que  quand  nous  voudrons  profiter  en  la  parole  de  Dieu,  il  faut  que  nous  soions  disposes,  (comme  iay  dit)  qu'il  y  ait  une  reverence  en  nos  coeurs,  que  nous  soions  dociles,  que  nous  aions  ceste  mansuetudo  de  laquelie  parle  sainct  Iaques  quand  il  dit:  Mes  amis  receves  la  parole  qui  est  semee  en  vous,  la  parole  de  salut,  voire  avec  un  esprit  debonnaire,  avec  un  esprit  benin,  il  signifie  que  quand  il  y  aura  une  telle  hautesse  en  nous,  ou  bien  une  rebellion  et  une  malice  telle  que  i'ay  dite,  que  il  est  impossible  que  nous  recevions  la  parole  de  Dieu,  mais  il  faut  que  nous  aions  ceste  reverence  et  ceste  humilite  en  nous  de  recevoir  ce  qu'on  nous  dira  d'un  coeur  allegre  et  benin,  Car  quand  la  parole  de  Dieu  aura  une  telle  entree  en  nous,  elle  produira  puis  apres  son  fruict  tel  qu'il  nous  sera  profitable  a  salut.  Et  au  reste  craignons  ceste  punition  laquelle  i'ay  monstree  par  le  Prophete  Isaie,  et  de  laquelle  nous  avons  icy  un  exemple  si  beau  et  si  notable,  c'est  quand  nous  n'aurons  point  voulu  escouter  Dieu,  qu'il  ne  parle  a  nous  en  telle  sorte,  que  nous  en  serons  effroies  ne  sachant  qu'il  voudra  dire,  et  ni  connoissant  rien  qui  soit,  mais  que  nous  aions  ceste  fraieur  de  laquelle  nous  serons  tellement  estonnes  que  nous  ne  scaurons  que  devenir,  Nous  aions  ce  qui  est  dit  de  Balsazar,  il  ne  scauroit  rien  lire  en  l'escriture,  Calvini  opera.  Vol.  XL  L