32:337  337  PSALMUS  CXXX.  338  apparet  quam  lente  ac  frigide  ad  Deum  mentes  nostrae  contendant:  deinde  quam  facile  ad  minimos  quosque  flatus  nutent,  atque  etiam  labantur.  Porro  quia  solebant  vigiliae  in  quatuor  partes  distribui,  sic  exponi  potest  hic  locus,  Quemadmodum  nocturni  custodes,  qui  vicibus  excubias  peragunt,  intenti  sunt  ad  auroram,  ita  prophetam  summa  animi  attentione  ad  Deum  respexisse.  Sed  videtur  simplicior  esse  sensus,  Sicuti  mane  alios  omnes  praeveniunt  sua  vigilantia,  et  omnium  primi  surgunt  portarum  custodes,  ut  ad  suam  stationem  compareant,  ita  animum  prophetae  summa  celeritate  ad  quaerendum  Deum  properasse.  Repetitio,  sicuti  iam  admonui,  docet,  in  illo  intuitu  stetisse  defixum,  quia  semper  cavendem  est,  si  Dominus  longius  nos  suspendit,  ne  morae  taedio  fervor  noster  languescat.  7.  Sed  speret  Israel  in  Iehovam:  quia  apud  Iehovam  clementia,  et  multa  apud  eum  redemptio.  8.  Et  ipse  redimet  Israelem  ex  omnibus  iniquitati'  bus  eius.*)  7.  (Speret  Israel.)  Postquam  de  se  loquutus  est  propheta,  et  commune  ki  sua  persona  exemplum  proposuit,  iam  ad  totum  ecclesiae  corpus  doctrinam  accommodat.  Notandum  vero  est  ubi  spem  omnium  piorum  fundatam  esse  velit,  nempe  in  Dei  misericordia,  ex  qua  nascitur  redemptio.  Priore  membro  fideles  admonet,  etiamsi  dignitatem  nullam  afferant,  neque  merita,  sufficere  tamen  ipsis  quod  Deus  sit  misericors.  Atque  haec  inter  fidem  ecclesiae  et  gratuitam  Dei  bonitatem  mutua  relatio  diligenter  notanda  est:  ut  sciamus,  eos  omnes  qui  meritis  suis  freti  Deum  remuneratorem  sibi  fore  confidunt,  spem  suam  ad  scripturae  normam  minime  componere.  Ex  hoc  fonte  redemptionem  deducit:  quia,  ut  populi  sui  redemptor  sit  Deus,  non  aliunde  quam  sua  misericordia  movetur.  Multam  vero  esse  dicit,  ut  se  vel  in  ultima  desperatione  sustineant  fideles,  quia  in  manu  Dei  sint  multae  et  incredibiles  servandi  viae.  Ac  fieri  potest  ut  afflictissimo  ecclesiae  statu  compositus  fuerit  Psalmus,  qui  deiicere  omnes  posset,  nisi  immensa  potentiae  Dei  ad  suos  servandos  magnitudo  illis  opposita  fuisset.  Atque  hic  verus  est  praesentis  doctrinae  usus,  ut  in  profundis  gurgitibus  demersi  non  tamen  dubitent  exitum  in  manu  Dei  esse,  qui  rationes  absconditas  quoties  erit  opus  inveniet,  deinde  statuant,  quoties  afflicta  fuerit  ecclesia,  eum  fore  liberatorem,  quo  etiam  spectat  quae  mox  sequitur  clausula.  8.  (Et  ipse  redimet  Israelem.)  Propius  ad  ecclesiam  applicat  quod  dixit:  colligit  enim,  minime  dubium  esse  quin  Deus,  cui  patent  multiplices  ad  servandum  viae,  futurus  sit  redemptor  populi  quem  *)  Ses  iniquitez,  en  marge:  ou  punitions.  Calvini  opera.  Vol  XXXII.