25:337  337  REDITUS  AD  HISTORIAM.  338  54.  Possidebitis  autem  per  sortem.  Modus  quoque  divisionis  exprimitur,  ut  quisque  possideat  quod  sorte  obtigerit:  fuit  autem  haec  optima  ratio,  quia  nunquam  passae  fuissent  singulae  tribus,  hominum  arbitrio  in  hanc  vel  in  illam  partem  sic  ablegari.  Imo  si  iudicium  suffragiis  permissa  fuisset  cognitio,  inter  se  iurgati  essent  potius  quam  definiissent  quid  rectum  esset.  Sed  hic  altius  quiddam  considerare  oportet:  nempe  hoc  modo  Deum  certo  comprobasse,  sua  liberalitate  et  singulari  beneficio  filios  Israel  terrae  illius  haeredes  esse  ac  dominos.  Ac  principio  tenendum  est,  quamvis  sortibus  nihil  magis  fortuitum  existiment  homines,  eas  tamen  divinitus  gubernari,  ut  dicit  Solomon  (Prov.  16,  33).  Sortiri  ergo  iussit  Deus  populum,  sibi  in  ipso  exitu  iudicium  vendicans.  Iam  qui  factum  est  ut  tribus  Zabulon  partem  suam  adepta  sit  in  littore  maris,  nisi  quia  sic  praedictum  fuerat  a  patriarcha  Iacob?  Our  tribui  Aser  obtigit  ferax  optimi  frumenti  regio,  nisi  quia  eodem  ore  pronunciatum  fuerat  pinguem  fore  panem  Aser,  qui  daturus  esset  delitias  regibus  ?  Eodem  vaticinio  nacta  est  tribus  Iehudah  haereditatem  vitiferam,  et  optimis  pascuis  uberem.  Itaque  terrae  sortitio  clare  monstravit  non  frustra  Deum  olim  pollicitum  fuisse  Abrahae  terram  illam:  quia  donationis  praeconium  ex  ore  Iacob  efficax  et  ratum  fuit.  Pius  senex  fame  illinc  expulsus  fuerat.  Inquilinus  in  Aegypto,  et  bis  exsul  posteris  suis  non  secus  pro  summo  imperio  partes  assignat,  ac  si  paterfamilias  pauca  fundi  sui  iugera  inter  haeredes  distribueret.  Sed  quod  tunc  ridiculum  videri  poterat,  Deus  tandem  obsignavit.  Unde  apparet,  quae  pro  modulo  sensus  nostri  caeco  fortunae  impetu  versari  putamus,  dirigi  arcana  Dei  providentia:  consilium  vero  Dei  perpetuo  tenore  ita  stare  ut  exitus  principiis  respondeat.  Rursus  vero  ius  analogum  illis  commendat  ut  pro  numero  hominum  maior  aut  minor  portio  ad  singulas  tribus  perveniat.  Quod  autem  allegorice  quidam  notari  volunt,  gratuito  Dei  beneplacito  tanquam  sorte  nobis  obtingere  coelestem  haereditatem,  quanquam  primo  intuitu  plausibile  sit,  nullo  negotio  refellitur.  Pars  haereditatis  erat  Hebron:  atqui  ea  extra  sortem  potitus  est  Caleb.  Maior  autem  apparet  exceptio  in  tribu  Ruben  et  Gad,  et  dimidia  tribu  Manasse,  qui  populi  consensu,  non  sorte,  sed  quasi  privilegio  impetrarunt  quidquid  acquisitum  fuerat  trans  Iordanem.  Discant  igitur  lectores  ab  argutiis  abstinere,  ne  saepe  cum  pudore  agnoscant,  inanem  umbram  se  captasse.  55.  Quod  si  non  expuleritis.  Cur  tam  severe  exarserit  ira  Dei  in  illas  gentes  ut  prorsus  exstinctas  vellet,  alibi  vidimus.  Iam  a  tempore  Abrahae  coeperat  illic  grassari  magna  scelerum  licentia,  sicut  colligitur  ex  Dei  verbis,  quum  diceret  nondum  completam  esse  eorum  iniquitatem.  Postquam  annis  Calvini  opera.  Vol.  XXV.