20:337  337  1564  IUL.  338  rerum  omnium  faciem,  ex  mutuis  evangelicorum  inter  se  dissidiis,  et  papistarum  in  utrosque  insultationibus  ?  Neque  hoc  silentio  apud  praest.  tuam  praetereundum  erat,  propositam  esse  a  quibusdam  piis  et  eruditis  viris,  tertiam  quandam  sententiam  seu  opinionem  de  hoc  ipso  primario  fidei  nostrae  fundamento,  de  Deo  seu  trinitate,  ut  usitate  in  ecclesia  loquimur,  superiorum  duarum  opinionum  quasi  conciliatoriam,  quanquam  ea  ipsa  ab  alterius  partis  opinione,  nempe  ab  iis,  qui  papisticam  tuentur  opinionem,  longissime  a  conciliatione  abest:  quod  hi  secundum  scholasticorum  sententiam  prorsus  sabellianizent,  id  est,  confundant,  unumque  confusum  ex  tribus  Deum  faciant.  Imaginantes  quasi  supra  Patrem  unum  quendam  Deum,  quem  essentiam  vocant,  et  ab  hac  ipsa  essentia,  quum  de  Deo  loquuntur  incipiunt,  id  quod  secuudum  sententiam  Hilarii  in  libro  de  synodis  contra  Arrianos  erroneum  atque  haereticum  est.  Praeterea,  quod  filium  dicant  Deum  esse  a  se  ipso,  quod  scilicet  haec  propositio  trahat  post  se  aliquot  perniciosos  errores,  nempe  quod  filius  Dei  dominus  noster  Iesus  Christus  privetur  sua  vera  legitima  et  aeterna  ex  aeterno  patre  genesi.  Si  enim,  inquiunt,  filius  Doi  a  se  ipso  Deus  est,  ergo  genitus  a  patre  non  est,  et  per  consequens  ingenitus  est,  idem  scilicet,  qui  pater.  Quo  fundamento  amisso,  nempe  ista  genesi  seu  filiatione,  ut  ita  dicam,  filii,  amitti  quoque  Christum,  amitti  mediatorem  et  eius  beneficia,  et  extra  verbum  evagando  coli  fictitia  nomina,  et  plura  principia  in  divinitate  induci.  Ab  hac  itaque  opinione  longissime,  uti  dico,  abest  illa  quae  proposita  est  conciliatio.  Ceterum  alterius  partis  opinio,  nempe  eorum  evangelicorum,  qui  trinitatis  vocabulum,  ut  dictum  est,  reiiciunt,  ad  propositam  conciliationem  perquam  proxime  accedit.  Congruit  enim  cum  reliquis  omnibus  istorum  thematibus,  propositionibus  conclusionibusque,  de  unica  tantum  propositione,  quae  ipsa  conciliationis  nomine  proponitur,  illis  non  convenit.  Haec  autem  talis  est.  Pater,  filius  et  spiritus  sanctus  recte  dicuntur  et  sunt  unus  Deus,  non  persona,  sed  indifferenti  natura,  id  est,  non  numero  unus,  nec  individuo,  sed  similitudine  aequalitateque  naturae,  quod  scilicet  filius  et  spiritus  sanctus  habeant  naturam  patris,  et  ex  patre  subsistant  quicquid  sunt.  Proinde  constituunt  isti  certas  quasdam  propositiones,  seu  brevia  quaedam  axiomata  doctrinae  docendique  caussa.  Dicunt  enim  istam  propositionem,  pater,  filius  et  spiritus  sanctus  sunt  unus,  falsam  esse  et  minime  catholicam:  quod  scilicet  ex  verbis  inordinate  prolatis,  ut  Hieronymus  dicit,  haeresis  incurratur.  Eo  enim  loci  particula  unus  confusionem  Sabellianam  in  divinitate  inducit,  et  significat  unum  individuum  identitate  numeri.  Quam  propositionem  propterea  ex-  Galvini  opera.  Vol  XX.