55:336  usque  veteris  hominis  reliquiae  maneant.  Quod  si  nondum  plena  est'ac  solida  regeneratio,  nonnisi  pro  modo  suo  a  peccati  servitute  nos  eximit.  Hinc  apparet  fieri  non  posse  quin  vitiis  laborent  filii  Dei,  et  quotidie  peccent  :  quatenus  scilicet  residuum  adhuc  aliquid  habent  veteris  naturae:  et  manet  tamen  illud  fixum  quod  apostolus  contendit,  hunc  esse  regenerationis  finem,  ut  peccatum  aboleatur:  ideoque  iuste  et  pie  vivere  quicunque  ex  Deo  geniti  sint,  quia  spiritus  Dei  peccandi  libidinem  corrigat.  Idque  intelligit  apostolus  per  semen  Dei.  Sic  enim  format  Dei  spiritus  piorum  corda  ad  rectos  affectus,  ut  non  praevaleat  caro  cum  suis  concupiscentiis:  sed  domita  quasi  sub  iugo  cohibeatur.  In  summa,  superiores  partes  apostolus  in  electis  spiritui  tribuit,  qui  virtute  sua  peccatum  reprimat,  neque  sinat  vigere.  9.  Et  non  potest  peccare.  Hic  iam  altius  conscendit  apostolus.  Nam  clare  pronuntiat,  efficaciter  piorum  corda  gubernari  a  Dei  spiritu,  ut  inflexibili  affectu  sequantur  eius  ductum.  Hoc  vero  a  papistica  doctrina  longe  remotum  est.  Fatentur  quidem  Sorbonici,  voluntatem  hominis,  nisi  adiutam  a  Dei  spiritu,  non  posse  quod  rectum  est  appetere:  sed  talem  spiritus  motum  esse  fingunt,  qui  liberam  nobis  relinquat  boni  et  mali  optionem.  Hinc  merita  eliciunt:  quia  spiritus  gratiae  sponte  obsequimur,  quam  in  potestate  nostra  erat  reiicere.  Denique  hanc  solam  spiritus  gratiam  esse  definiunt,  ut  possimus  bene  velle,  si  libuerit.  Iohannes  hic  longe  aliter.  Neque  enim  tantum  .  docet  posse  nos  non  peccare:  sed  tam  efficacem  esse  spiritus  motum,  ut  necessario  nos  in  constanti  iustitiae  obedientia  retineat.  Neque  hic  solus  est  scripturae  locus,  qui  doceat  sic  formari  voluntatem,  ut  non  nisi  recta  esse  possit.  Testatur  enim  Deus  se  cor  novum  dare  filiis  suis,  et  facturum  promittit  ut  in  praeceptis  suis  ambulent.  Adde  quod  Iohannes  non  solum  docet  quam  efficaciter  agat  semel  Deus  in  homine:  sed  clare  affirmat,  spiritum  suam  gratiam  in  nobis  ad  extremum  usque  persequi,  ut  ad  vitae  novitatem  inflexibilis  perseverantia  accedat.  Quare  ne  imaginemur  cum  sophistis  medium  aliquem  motum,  quem  homini  liberum  sit  vel  sequi,  vel  respuere:  sed  sciamus  corda  nostra  regi  a  Dei  spiritu,  ut  iustitiae  constanter  adhaereant.  Porro  absurdum  quod  obiiciunt  sophistae,  facile  refellitur.  Dicunt  hoc  modo  voluntatem  tolli  ab  homine:  sed  falso.  Voluntas  enim  a  natura  est  :  sed  quia  naturae  corrupto  pravos  tantum  affectus  generat,  ideo  necesse  est  ut  eam  spiritus  Dei  reformet,  quo  bona  esse  incipiat.  Deinde  quia  statim  exciderent  homines  a  bono,  necesse  est  ut  idem  spiritus,  quod  coepit,  ad  finem  usque  perducat.  De  merito  facilis  est  responsio.  Neque  enim  pro  absurdo  habendum  est,  si  nihil  homines  mereantur:  et  tamen  bona