54:336  crachent  au  visage,  et  qu'ils  nous  ayent  en  detestation,  que  nous  estimions  tant  d'estre  approuvez  de  nostre  Dieu,  que  nous  surmontions,  et  que  nous  despitions  avec  sainct  Paul  tout  ce  qui  nous  sera  fait  et  dit  en  souffrant  pour  la  verite.  Mesmes  nous  voyons  comme  il  despite  les  Corinthiens,  combien  qu'ils  se  nommassent  fideles,  et  qu'ils  se  prisassent  beaucoup,  il  se  mocque  de  leur  fol  iugement  quand  il  les  voit  pleins  de  gloire,  et  enyvrez  d'orgueil,  et  qu'ils  cuidoyent  estre  sages  pour  iuger  par  dessus  l'Evangile:  Et  bien  (dit-il)  i'en  appelle,  car  vous  iugez  maintenant  en  tenebres:  mais  le  iour  du  Seigneur  (dit-il)  apparoistra,  et  alors  les  choses  seront  descouvertes.  Si  l'Apostre  a  ainsi  deffio  ceux  qui  par  hypocrisie  se  vantoyent  du  nom  de  Iesus  Christ,  que  devons-nous  faire  envers  les  ennemis  mortels  de  nostre  salut,  ceux  qui  se  dressent  avec  une  rage  brutale  contre  le  Fils  de  Dieu,  et  qui  manifestement  contredisent  a  la  religion  que  nous  tenons?  Faut-il  que  nous  soyons  esbranlez  quand  il  nous  faudra  endurer  entre  les  mains  de  ces  tyrans?  Apprenons  donc  a  l'exemple  de  sainct  Paul  d'avoit  les  yeux  levez  en  haut,  afin  que  nous  puissions  passer  outre:  quand  le  monde  nous  reiettera,  que  nous  souffrions  beaucoup  de  molestes,  que  nous  serons  en  ignominie  et  opprobre  pour  avoir  bien  fait,  que  nous  apprenions  d'elever  nos  yeux  en  haut,  car  sans  cela  nous  serions  comme  des  roseaux  branlans  a  tous  vents:  mais  si  une  fois  nous  pouvons  arrester  nostre  veue  a  Dieu,  nous  serons  endurcis,  comme  l'Apostre  use  de  ce  mot-la,  parlant  de  Moyse:  II  a  este  (dit-il)  endurci  contre  tout  mal  apres  avoir  contemple  Dieu.  Ii  veut  signifier  que  Moyse  s'est  monstre  comme  un  rocher  contre  des  vagues.  Quelles  tentations  y  avoit-il  quand  il  est  nourri  en  la  Cour  royale,  qu'il  pouvoit  estre  estime  de  la  couronne  comme  estant  adopte  de  la  fille  du  Roy?  Et  toutesfois  il  a  mieux  aime  l'opprobre  de  Iesus  Christ,  et  n'a  pas  este  sans  un  combat  bien  dur  et  difficile:  il  endure  par  longue  espace  de  temps  en  pays  estrange,  qu'il  est  la  ahannant  pour  gagner  sa  vie.  Et  puis  a  la  fin  il  faut  qu'il  se  viene  dresser  contre  le  Roy,  qu'il  oye  tant  de  menaces,  qu'il  voye  tant  d'opprobres  et  contumelies.  Il  faloit  bien  donc  qu'il  fust  endurci.  Ainsi  nous  en  faut-il  faire.  Or  le  moyen  nous  est  monstre  par  l'Apostre:  c'est  que  si  nous  pouvons  une  fois  contempler  Dieu,  nous  aurons  une  constance  invincible:  combien  que  le  diable  machine  tout  ce  qui  sera  possible  pour  ruiner  nostre  foy,  que  iamais  il  n'en  viendra  a  bout,  tellement  que  nous  ne  cognoissions  que  nous  serons  heureux  en  combatant  sous  l'enseigne  de  nostre  Seigneur  Iesus  Christ:  combien  que  cela  ne  se  face  point  sans  que  nous  soyons  moques  et  reprouvez  du  monde  quand