51:336  bite  en  nous  \>ar  son  S.  Esprit,  que  iusques  en  la  fin  il  nous  remplira.  Quand  il  a  use  de  ce  mot  d'enrichir,  c'est  pour  monstrer  qu'il  y  aura  tousiours  de  l'indigence  en  nous:  mais  confions-nous  hardiment  sur  ceste  promesse,  que  celuy  qui  a  commence  en  nous  parfera,  voire  iusques  au  iour  de  nostre  Seigneur  Iesus  Christ.  Et  cela  est  dit,  a  fin  que  nous  soyons  aucunement  allegez,  quand  il  nous  semblera  que  nostre  vie  est  trop  longue,  et  que  nous  voudrions  que  ceste  perfection  fust  desia  revelee  en  nous,  et  que  Iesus  Christ  fust  apparu.  Or  il  est  dit  que  iusques  a  ce  iour-la  il  nous  faudra  estre  tousiours  en  chemin,  et  poursuyvre  outre,  et  demander  a  Dieu  qu'il  ne  permette  point  que  nous  defaillions.  Vray  est  que  nous  ne  laisserons  pas  d'avoir  faute  et  necessite:  mais  il  nous  subviendra  tellement,  que  nous  cognoistrons  que  quand  il  a  daigne  nous  regarder  en  pitie  pour  un  coup,  c'a  este  pour  tousiours  accomplir  l'oeuvre  de  nostre  salut:  et  que  non  sans  cause  il  nous  a  conioints  a  nostre  Seigneur  Iesus  Christ:  mais  que  c'a  este  a  fin  que  nous  puissions  maintenant  posseder  un  chacun  selon  la  mesure  de  sa  foy,  les  biens  qui  luy  sont  propres,  iusques  a  ce  qu'il  nous  en  ait  du  tout  rassasiez,  qui  sera  quand  nous  serons  pleinement  conioints  a  luy.  Or  nous-nous  prosteruerons  devant  la  maieste  de  nostre  bon  Dieu  etc.  HUITIEME  SERMON.  Chap.  I,  v.  19.23.  Nous  avons  commence  a  traitter  ce  matin,  comment  Dieu  nous  a  assez  declare,  qu'ayans  et  possedans  Iesus  Christ  son  Fils  unique,  nous  avons  toute  perfection  de  biens,  tellement  que  iettans  la  veue  sur  luy,  nous  pouvons  contempler  tout  ce  qui  est  a  souhaitter.  Et  ainsi,  combien  qu'il  y  ait  beaucoup  a  redire  en  nous,  mesmes  que  nous  n'y  trouvions  que  fragilite,  si  est-ce  que  nous  aurons  un  bon  appuy  et  ferme,  quand  nostre  Seigneur  Iesus  Christ  nous  rappelle  a  soy  et  nous  monstre  que  ce  qu'il  a  receu  de  Dieu  son  Pere  nous  est  commun:  et  combien  que  nous  n'en  iouissons  pas  encores  en  plenitude,  toutesfois  que  cela  ne  nous  peut  faillir.  Or  en  somme,  nous  avons  monstre  que  nostre  Seigneur  Iesus  est  aussi  assis  a  la  dextre  de  Dieu  son  Pere,  a  fin  que  nous  soyons  asseurez  que  tout  est  sous  sa  main,  et  qu'il  gouverne  tout  lo  monde,  que  tous  biens  sont  de  luy,  et  qu'il  peut  empescher  toute  nuisance,  en  sorte  qu'estans  sous  sa  protection,  nous  pouvons  despiter  et  le  diable,  et  tous  nos  ennemis.  Et  a  fin  que  nous  apprenions  de  nous  contenter  tant  mieux  de  Iesus  Christ  seul,  et  que  nous  ne  vaguions  ne  ca  ne  la,  comme  nous  avons  de  coustume,  S.  Paul  notamment  adiouste,  qu'il  a  este  constitue  sur  toute  puissance,  sur  tout  empire,  principaute  et  vertu.  II  n'y  a  nulle  doute  qu'il  ne  signifie  les  Anges:  mais  il  a  use  de  ceste  facon  de  parler,  pour  nous  retenir  tant  mieux  a  nostre  Seigneur  Iesus  Christ:  et  que  nulle  imagination  ne  nous  en  destourne:  comme  s'il  disoit,  Encores  que  Dieu  ait  departi  de  sa  gloire,  de  sa  dignite  et  de  sa  vertu  entre  les  Anges,  neantmoins  que  cela  ne  diminue  rien  de  ce  qu'il  a  donne  a  Iesus  Christ.  Et  ainsi,  que  nous  trouverons  en  luy  tout  ce  qui  nous  est  necessaire,  et  qu'il  ne  nous  faut  point  faire  de  circuits  ne  ca  ne  la,  et  qu'il  n'est  pas  licite  de  luy  adiouster  nul  compagnon,  d'autant  que  toute  preeminence,  et  tout  ce  qui  est  le  plus