5:336  nostris,  nc  a  recto  itinere  aberremus:  sapientia  nostra  est,  qua  ad  omnem  integritatem  formemur,  instituamur,  excitemur:  di&ciplina  nostra  est,  quae  nos  improbiore  licentia  diffluere  non  sinat  (Ps.  119,  105;  Deut.  4,  6).  DE  POENITENTIA  ET  REGENERATIONE.  Hinc  iam  intelligere  promptum  est,  cur  poenitentia  cum  fide  Christi  semper  coniungatur:  cur  etiam  Dominus  affirmet,  neminem  in  regnum  coelorum  ingredi  posse,  nisi  qui  regeneratus  fuerit  (Ioann.  3,  3).  Poenitentia  enim  conversionem  significat  :  qua  mundi  huius  perversitate  valere  iussa,  in  viam  Domini  nos  recipimus.  Christus  autem  ut  peccati  minister  non  est,  nequaquam  ideo  scelerum  inquinamentis  ablutos  iustitiae  suae  participatione  vestit,  quo  tantam  gratiam  novis  subinde  sordibus  profanemus:  sed  ut  in  Dei  filios  cooptati,  vitam  im  posterum  nostram  patris  nostri  gloriae  consecremus.  Huius  autem  poenitentiae  effectus  a  regeneratione  nostra  pendet,  quae  ipsa  duabus  partibus  constat:  carnis  nostrae,  hoc  est  ingenitae  nobis  corruptionis  mortificatione,  et  vivificatione  spirituali  (Rom.  6,  5;  Col.  3,  3  et  alibi):  qua  hominis  natura  in  suam  integritatem  instauratur.  In  hanc  ergo  meditationem  tota  vita  nobis  est  incumbendum,  ut  [pag.  22]  peccato  mortui,  ac  nobis  ipsis,  Christo  et  eius  iustitiae  vivamus.  Quumque  generatio  ista  nunquam  impleatur,  quamdiu  in  mortalis  corporis  carcere  degimus:  perpetuum  ad  mortem  usque  poenitentiae  studium  sit,  oportet.  QUOMODO  BONORUM  OPERUM  ET  FIDEI  IUSTITIA  SIMUL  CONVENIANT.  Bona  autem  opera,  quae  ab  eiusmodi  conscientiae  puritate  proficiscuntur,  Deo  accepta  esse,  nihil  dubium  est.  Quandoquidem  enim  suam  iustitiam  in  illis  agnoscit,  non  potest  non  approbare  ac  commendare.  Sollicite  tamen  cavendum,  ne  sic  vana  efferamur  eorum  fiducia,  ut  iustificari  nos  sola  Christi  fide  obliviscamur.  Nulla  quippe  est  operum  iustitia  coram  Domino,  nisi  quae  illius  iustitiae  respondeat.  Itaque  qui  ab  operibus  iustificari  quaerit,  ei  unum  aut  alterum  opus  producere  non  sufficit:  sed  perfectam  legis  obedientiam  afferre  necesse  habet,  a  qua  profecto  absunt  adhuc  longissime,  qui  optime  in  Domini  lege  prae  aliis  profecerunt.  Deinde  etiamsi  uno  duntaxat  bono  opere  satisfieri  sibi  pateretur  Dei  iustitia,  ne  unum  quidem  opus  in  sanctis  suis  Dominus  inveniret,  cui  iustitiae  laudem  suo  merito  redderet.  Nam  istud,  quanquam  mirum  videri  queat,  verissimum  tamen  est:  nullum  omnino  exire  a  nobis  opus  summa  perfectione  consummatum,  ac  non  aliquo  veluti  naevo  inquinatum.  Quare  quum  peccatores  simus  omnes,  et  plurimis  vitiorum  reliquiis  as-