49:336  destituta,  per  se  ipsa  consistit:  quare  eximia  est  Paulinae  praedicationis  commendatio,  quod  coelestis  virtus  in  ea  sic  enituerit,  ut  praevaleret  adversus  tot  impedimenta,  quum  nihil  haberet  a  mundo  subsidii.  Restat  igitur  ne  ab  eius  doctrina  patiantur  se  dimoveri,  quam  Dei  autoritate  subnixam  esse  agnoscunt.  Caeterum  ita  Paulus  de*  fide  Corinthiorum  hic  loquitur,  ut  sit  haec  universalis  sententia.  Sciamus  ergo  hoc  proprium  esse  fidei,  ut  in  solo  Deo  acquiescat,  non  autem  pendeat  ab  hominibus.  Tantam  enim  eius  certitudinem  esse  oportet,  quae  ne  omnibus  quidem  inferorum  machinis  impetita  concidat,  sed  constanter  duret  ac  sustineat  omnes  insultus.  Hoc  fieri  nequit,  nisi  certo  persuasi  simus,  Deum  nobis  loquutum  esse,  non  hominum  esse  figmentum  quod  credidimus.  Quamquam  autem  proprie  in  solo  Dei  verbo  fidem  oportet  fundari,  non  tamen  absurde  secunda  haec  fultura  adiungitur,  ut  ab  effectu  virtutis  agnoscant  fideles  profectum  esse  a  Deo  verbum  quod  audiunt  6.  Porro  sapientiam  loquimur  inter  perfectos:  sapientiam  quidem  non  saeculi  huius,  neque  principum  saeculi  huius,  qui  abolentur:  7.  sed  loquimur  sapientiam  Dei  in  mysterio,  quae  est  recondita:  quam  praefinivit  Deus  ante  saecula  in  gloriam  nostram,  8.  quam  nemo  principum  saeculi  huius  cognovit:  si  enim  cognovissent,  nequaquam  Dominum  gloriae  crucifixissent  9.  Sed  quemadmodum  scriptum  est:  Quae  oculus  non  vidit,  nec  auris  audivit,  nec  in  cor  hominis  adscenderunt,  quae  praeparavit  Deus  iis,  qui  ipsum  diligunt  6.  Sapientiam  loquimur.  Ne  videatur  sapientiam  despicere,  sicut  idiotae  et  imperiti  literas  contemnunt  barbara  quadam  ferocia:  subiicit,  sibi  non  deesse  veram  sapientiam,  sed  quae  non  nisi  ab  idoneis  iudicibus  aestimetur.  P  e  r  f  e  c  t  o  s  vocat,  non  qui  assequuti  sint  plenam  et  absolutam  sapientiam  :  sed  qui  sano  sint  et  incorrupto  iudicio.  Nam  Dsl,  pro  quo  Graeci  interpretes  semper  TeAecov  reddiderunt,  integrum  significat.  Taxat  autem  obiter  eos,  quibus  non  sapiebat  sua  praedicatio,  et  id  fieri  eorum  vitio  significat.  Ac  si  diceret:  Si  quibus  non  placet  mea  doctrina,  illi  hoc  indicio  iam  satis  produnt,  se  depravato  esse  et  vitiato  sensu:  quia  inter  nomines  sincerae  mentis  et  recti  iudicii  pro  summa  sapientia  semper  agnoscetur.  Quamquam  autem  exposita  omnibus  fuit  Pauli  praedicatio,  non  tamen  suo  pretio  aestimata  semper  fuit.  Atque  haec  ratio  est  cur  sanos  et  integros  iudices  appellet  qui  doctrinam,  quae  mundo  insipida  erat  veram  esse  sapientiam  pronuntient  Interea  loquendi  verbo  se  luculentum  specimen  proferre  admonet  admirabilis  sapientiae,  ne  quis  rem  incognitam  iactare  obiiceret  Sapientiam  quidem  non  saeculi  huius.  Per  anti-