41:336  Voila  donc  ce  que  nous  avons  a  noter,  c'est  a  scavoir  que  Dieu  traicte  tellement  les  meschans,  que  quand  ils  sont  presses  de  son  iugement,  il  faut  qu'ils  connoissent  que  c'est  a  luy  qu'ils  se  sont  addresses,  et  toutesfois  cette  connoissance  la  ne  les  ameine  point  a  repentance,  mais  grincent  les  dents  comme  des  bestes  sauvages,  ou  bien  ils  n'ont  nulle  doleance,  qu'il  leur  semble  que  ce  n'est  que  ieu  et  fable  de  tout  ce  qu'on  leur  compte,  et  ce  qu'on  leur  dict.  Mais  Dieu  les  ha  il  laisses  pour  quelque  temps  en  telle  stupidite,  il  les  apelle  en  un  moment,  et  en  despit  de  leurs  dents,  alors  ils  sont  contrains  de  sentir  la  vertu  de  sa  parolle,  ou  il  y  ha  une  confusion  laquelle  est  apprestee  sur  leurs  testes.  Et  mesmes  nous  voions  encores  plus  en  cet  exemple,  car  nous  avons  a  recueillir  que  les  meschans  quelquesfois  connoistront  bien  ce  qu'on  leur  dit,  mais  cependant  ils  ne  scavent  pas  que  c'est  Dieu  qui  parle  a  eux.  (Exemple)  quand  ils  seront  en  un  sermon,  iis  diront,  il  ha  este  dit  telle  chose,  et  en  auront  quelque  souvenance,  mais  si  on  leur  demande  quel  proffit  rapportes  vous  de  cela,  vous  efforces  vous  de  mieux  faire  pourtant?  O  nenni,  c'est  un  homme  qui  ha  parle  diront  ils:  la  doctrine  leur  pourra  bien  sembler  bonne,  mais  cependant  ils  ne  connoissent  pas  qu'elle  est  procedee  de  Dieu,  et  s'en  esloignent  entant  qu'en  eux  est,  et  pourquoy?  A  cause  qu'ils  ont  ceste  fause  opinion  pour  dire,  c'est  un  mortel  qui  ha  parle,  la  doctrine  de  soy  est  asses  manifeste,  on  leur  mache  (par  maniere  de  dire)  tout  ce  qu'on  leur  met  au  devant,  mais  c'est  a  leur  condemnation,  comme  le  prophete  Isaie  le  declare  quand  ii  dit,  que  c'est  comme  si  on  leur  bailloit  un  livre  clos,  ou  des  lettres  closes,  ou  ils  ne  puissent  lire  un  seul  mot.  Nous  voions  le  semblable  au  Roy  Balsazar,  quand  il  voit  la  main  qui  escrit  en  la  paroy,  il  connoit  bien  voila  Dieu  qui  me  monstre  quelque  chose,  il  est  espouvante  il  se  trouble  tellement,  qu'il  n'a  membre  en  son  corps  qui  ne  luy  tremble,  et  qui  ne  soit  comme  desioinct.  Et  ce  pendant  il  ne  scait  quelle  est  cette  escriture,  il  n'y  entend  rien,  et  encores  moins  en  l'exposition.  Ainsi  donc  notons  bien  ces  circonstances,  car  c'est  pour  nous  quelles  sont  escrites.  Quand  donc  nous  venons  au  sermon,  ce  n'est  point  asses  que  nous  ayons  entendu  ce  qu'on  nous  proposera,  mais  il  faut  que  nous  le  recevions  avec  une  reverence  et  humilite,  sachans  que  nous  n'avons  point  a  nous  iouer  avec  Dieu,  mais  qu'il  faut  que  nous  nous  humilions  devant  luy,  voire  pour  nous  rendre  assuiectis  en  tout  et  par  tout  en  ce  qu'on  nous  dira.  Et  ainsi  donc  quand  nous  serons  venus  au  sermon,  que  ce  soit  avec  une  telle  reverence  de  la  parolle  de  Dieu,  que  nous  puissions  faire  nostre  proffit  de  tout  ce  qu'on  nous  y  dira,  car  nous  voions  qui  est