20:336  ferunt  et  concludunt  isti,  non  tantum  trinitatem,  sed  quaternitatem  et  aliam  multam  pluralitatem  in  divinitate  pontificios  et  quosdam  evangelicos  inferre,  et  esse  eius  generis  infinitas  corruptelas.  Unde  inter  partes  mira  est  certaminum  coacervatio  et  odiosa  recriminatio.  Trinitarii  enim  istos  Arianismi  illi  eos  Sabellianismi  coarguunt,  quod  scilicet  realem  tollant  distinctionem  in  trinitate,  et  ex  tribus  distinctis  personis  conflent  unum  confusum  Deum  trinomium:  deinde  quod  non  veram  trinitatem,  sed  quandam  quaternitatem,  tum  quinquennitatem  sexennitatemque  isti  doceant:  et  iniuste  olim  ab  ecclesia  romana  Ioach,  abbatis  sententiam  sanam  et  cum  verbo  Dei  congruentem,  damnatam  et  explosam,  deteriorem  vero  Petri  Lombardi,  qui  magister  sententiarum  dicitur,  receptam  fuisse.  Et  recitatur  eiusdem  abbatis  certa  quaedam  prophetia,  quam  in  scriptis  suis  reliquisse  dicitur  in  haec  verba:  Et  priusquam  cessabit  turba  missantium,  tunc  apparebit  quaternitas.  Prodiisse  etiam  dicunt,  non  ita  pridem  certos  dialogos  de  trinitate  Bernhardini  Ochini,2)  viri  de  pietate  christiana  optime  meriti,  qui  in  eisdem  dialogis  suis  veterem  scholasticorum  doctrinam  de  hoc  dogmate  non  obscure  taxet  ac  reprehendat.  Qui  quidem  libellus  tametsi  nobis  dicatus  est,  eum  tamen  hactenus  nedum  legimus,  sed  ne  vidimus  quidem.  Aiunt  quidem  ad  nos  fuisse  missos,  sed  tamen  studiose  a  quibusdam  interceptos,  ne  ex  Germania  in  Poloniam  penetrent.  Nolumus  praeterea  celare  praest.  tuam,  actam  fuisse  mense  Septembr.  Pinczoviae3)  synodum  ecclesiarum  renatarum  in  minori  Polonia,  ad  quam  et  nos  certos  ministros  et  pastores  nostros  ex  Lithuania  ablegavimus.  In  qua  quidem  synodo  summa  consensione  omnium  superintendentum,  pastorum  et  seniorum  ex  utroque  ordine  tam  nobilium,  quam  ministrorum,  conscripta  est  quaedam  formula  consensus  de  hoc  dogmate,  quam  T.  P.  inclusam  mittimus,  ut  de  ea  iudicium  feras.  Paucissimi  autem  ex  ministris  trinitariorum  ab  hac  synodo  se  absentarunt,  et  legitime  vocati  adesse  noluerunt,  qui  etiam  nunc  multas  turbas  hic  cient,  sive  pietatis  zelo,  quem  prae  se  ferre  videntur,  sive  ignoratione  caussae.  Nam  ab  illius  cognitione  nedum  iudicium  et  rationem  abducunt:  sed  ipsas  quoque  aures  et  omnem  sensum  claudunt.  Amicam  vero,  placidam  et  christianam  collationem  cum  altera  parte  prorsus  detrectant.  Id  quod  sane  ad  te  non  sine  gemitibus  scribimus.  Quid  enim  inde  speremus  aliud,  quam  tristissimam  et  longe  lugubrem  2)  Inscripsit  Ochinus  hos  duos  priores  dialogos  tomi  IL  dialogorum  huic  principi  S.  3)  1563  S.