7:335  335  ADVERSUS  P.  CAROLI  336  nia  recordari  quae  saepe  audivi  de  iis  qui  adfuerant.  Colligam  tamen  magis  insignia,  quibus  eum  Viretus  ministerio  indignum  esse  convicit.  Narravit  pium  quendam  virum  circumventum  ab  eo  fuisse,  quum  catenulam  auream,  quae  quatuor  aureos  scutatos  pendebat,  ab  eo  partim  blanditiis,  partim  imperio  abstulisset  ac  pretii  loco  solvisset  duos  coronatos  duntaxat.  Narrabat  etiam  minime  per  eum  stetisse,  quo  minus  eam  catenulam  in  collo  gestaret  uxor,  ac  si  illud  tolerabile  esset  in  uxore  ecclesiastici  pastoris.  Protulit  deinde  insigne  flagitium,  quod  ebrius,  non  sine  omnium  risu,  ab  adolescentibus  protervis  domum  reductus  esset.  Vix  puer  erat  decennis  Lausannae,  qui  nesciret  spectaculum  illud  tantae  obscoenitatis  Carolum  populo  praebuisse.  Quin  etiam  recensuit  multa  exempla,  unde  constaret  Carolum  nimis  saepe  a  vino  decipi,  nec  sibi  tamen  posse  cavere.  Nam  et  hoc  vitii  habet  quod  ebrietatem  suam  tegere  nequit.  Indicavit  praeterea  arcanam  pactionem,  qua  transegerat  Carolus  cum  Martino  quodam  famulo  [pag.  85]  suo,  ut  sibi  annuam  ex  sacerdotiis  pensionem  solveret.  Ita  quum  honestum  haberet  ab  ecclesia  stipendium,  quod  saltem  ad  frugales  sumptus  sufficeret,  eum  ex  sacrilegiis  luxuriari  ostendit.  Haec,  ex  gravium  testium  relatu,  praecipua  fuisse  intelligo,  quae  Viretus  in  Carolo  reprehendit,  quanquam  alias  plerasque  vitae  eius  maculas  detexit  et  ineptias  in  doctrina,  quas  recensere  operae  pretium  non  est.  Quae  autem  obiecta  sibi  fuisse  commemorat,  impudenter  ipse  suo  more  confinxit,  aut  pro  suo  commodo  in  alienum  sensum  detorsit.  Neque  vero  consilii  sui  finem  dissimulat:  nam  a  magistris  nostris  gratiam  aucupatur,  quod  pro  illis  fortiter  vel  capitis  sui  periculo  dimicaverit.  Atqui  certum  est  eum  non  nisi  pro  insana  sua  ambitione  dimieasse.  Postea  contumeliose  invehitur  in  clarissimum  senatum  Bernensem,  quod  haereticos  retinuerit  in  honore,  fidei  vindicem  et  assertorem  in  exsilium  eiecerit.  Hoc  quidem  ipse  dicit,  sed  nemo  ei  credet.  Memini  me  audire  Bernae,  inter  altercationes  hanc  illi  vocem  excidisse:  Ego  hic  sum  ut  Athanasius.  Sed  hanc  vocem  sic  fuisse  repulsam  a  Calvino,  ut  stolidae  suae  iactantiae  valde  eum  poeniteret.  Ostendit  enim  quid  in  studio  asserendae  rectae  fidei,  quid  in  doctrina,  quid  in  constantia,  quid  in  laboribus  perferendis,  quid  in  pudicitia,  quid  in  sobrietate,  quid  in  gravitate  morum,  quid  in  totius  vitae  honestate  simile  haberet  cum  Athanasio  [pag.  86]  aut  ab  eo  diversum;  et  in  clausula  adiecit:  Nisi  forte  huc  respicit  tua  accusatio,  quod  sicut  perpetratae  caedis  accusatus  fuit  Athanasius,  ita  ne  hoc  crimine  graveris  times.  At  illi  sancto  viro  falsam  et  impiam  calumniam  struxerant  Ariani,  tu  autem  quaere  ex  tuo  comite,  quem  hic  sumptibus  tuis,  tanquam  famelicum  canem,  alis,  quis  illum  subornaverit,  ut  ante