54:335  335  SERMON  XXVIII  336  ausquels  mesmes  il  avoit  este  cognu,  et  puis  se  veoir  mourir  honteusement  en  la  fin?  Qui  est-ce  qui  n'eust  dit  qu'il  eust  mieux  valu  qu'il  se  fust  repose?  Mais  sainct  Paul  a  despite  et  mesprise  tous  les  iugemens  du  monde.  Et  pourquoy?  Oar  ii  a  son  Iuge  au  ciel,  il  luy  suffit  d'estre  ainsi  absous,  combien  que  tout  le  monde  le  condamne.  Car  les  punitions  et  la  mort  sont  communes  tant  aux  mal-faiteurs  qu'aux  Martyrs,  il  n'y  a  que  la  cause  qui  les  discerne.  Quand  donc  nous  voyons  un  Martyr  estre  brusle,  et  nous  verrons  aussi  bien  un  brigand,  quant  a  l'espece  de  mort  tout  y  est  confus.  Mais  qu'on  viene  examiner  la  cause:  voila  un  brigand  qui  souffre  pour  ses  malefices,  et  pour  ses  crimes:  un  Martyr  a  ce  tesmoignage  en  soy,  et  puis  il  le  peut  aussi  monstrer  par  effect  devant  tout  le  monde,  qu'il  a  chemine  en  integrite,  et  qu'il  souffre  pour  le  nom  de  Dieu.  Voici  donc  pourquoy  S.  Paul  despite  ici  tous  les  iugemens  des  incredules,  et  ne  luy  chaut  d'estre  vilipende  quant  au  monde,  moyennant  que  le  Iuge  celeste  l'approuve.  Mais  notons  bien  qu'il  nous  faut  avoir  ces  deux  choses  que  i'ay  touchees  en  brief,  pour  nous  glorifier  a  l'exemple  de  sainct  Paul.  Car  les  plus  meschans  quelques  fois  seront  les  plus  effrontez:  et  on  le  voit,  que  mesme  ceux  qui  ont  merite  une  centeine  de  cordeaux,  desgorgeront  toute  vilenie  contre  leurs  iuges:  on  voit  cela.  Mais  il  faut  venir  au  poinct,  c'est  ascavoir  qu'un  homme  puisse  tousiours  protester  devant  Dieu  et  ses  Anges,  qu'il  a  chemine  droitement,  et  puis  qu'il  l'approuve  aussi  par  effect,  que  quand  ou  iugera  de  sa  vie,  qu'on  cognoisse  une  telle  integrite,  que  tous  ceux  qui  auront  les  yeux  ouverts,  luy  rendent  tesmoignage  que  c'est  a  tort  qu'il  souffre.  Or  ces  deux  choses  ont  este  en  sainct  Paul,  comme  en  tous  Prophetes,  en  tous  ceux  qui  ont  iamais  endure  pour  le  tesmoignage  de  l'Evangile.  Voila  pourquoy  il  a  peu  dire  a  bonnes  enseignes,  qu'il  avoit  combatu  un  bon  combat.  Ainsi  donc  suivant  l'admonition  que  nous  fait  sainct  Paul,  advisons  de  ne  point  souffrir  pour  nos  crimes,  ne  pour  meurtres,  ne  pour  paillardises,  ne  pour  larcins,  ne  pour  trahisons,  ne  pour  mutineries,  ne  pour  aucune  meschancete:  mais  quand  il  est  question  de  respondre  pour  la  verite  de  Dieu,  voila  une  condition  plus  honorable,  quand  il  daigne  bien  nous  faire  ses  procureurs,  qu'il  fait  ses  monstres  de  nous  pour  triompher,  declarant  une  vertu  invincible  de  son  sainct  Esprit  en  ceux  qui  suivent  et  adherent  a  sa  parole.  Quand  donc  Dieu  nous  employera,  voire  pour  le  tesmoignage  de  son  nom,  et  qu'il  voudra  estre  glorifie  en  nous,  suivons  hardiment,  et  n'estimons  point  que  ce  soit  une  peine  inutile:  combien  que  le  monde  se  mocque  de  nostre  simplicite,  combien  mesmes  que  les  incredules  nous