51:335  335  SERMON  VIII  336  Seigneur  Iesus  Christ  a  receu  telle  plenitude  des  dons  spirituels  qui  appartiennent  a  la  vie  celeste,  a  fin  de  nous  en  communiquer  autant  que  besoin  sera,  voire  degre  par  degre,  selon  que  nous  profiterons  en  la  foy.  Et  cependant  pensons  tousiours  qu'il  nous  faut  baisser  la  teste  et  nous  humilier,  et  qu'il  faut  que  nous  soyons  tousiours  loin  de  la  perfection  a  laquelle  il  nous  faut  aspirer,  que  nous  soyons  affamez,  et  que  sentans  nostre  necessite  et  indigence,  nous  recourions  a  nostre  Dieu  pour  mendier,  scachant  qu'il  peut  nous  augmenter  de  iour  en  iour,  et  autrement  que  nous  defaudrions  incontinent,  sinon  qu'il  continuast  ce  qu'il  a  commence,  que  tout  seroit  tantost  escoule  et  esvanouy.  Voila  donc  comme  il  faut  que  nous  soyons  conioints  a  nostre  Seigneur  Iesus  Christ,  cognoissant  qu'il  y  a  un  lien  inseparable  entre  luy  et  nous.  Et  d'autant  qu'il  s'est  une  fois  appovri  (comme  il  est  dit  en  l'autre  lieu)  a  fin  de  nous  enrichir:  voila  comme  auiourd'huy  toutes  les  richesses  qui  sont  en  luy  nous  sont  communiquees.  Non  pas  (comme  i'ay  dit)  que  nous  en  ayons  encores  une  pleine  iouissance,  mais  c'est  assez  que  nous  en  ayons  quelque  petite  portion,  pour  nous  faire  gouster  l'amour  de  Dieu,  scachans  qu'il  ne  nous  defaudra  en  rien.  Et  comme  nous  avons  veu  en  la  seconde  des  Corinthiens,  que  puis  que  Dieu  nous  a  donne  ce  tesmoignage  qu'il  s'est  approche  de  nous,  et  qu'il  ha-