50:335  335  SERMONS  336  ront,  il  est  certain  que  l'Escriture  saincte  est  la  comme  ensevelie,  et  qu'on  n'en  tient  conte.  On  ne  dira  pas  qu'elle  doive  estre  reiettee  :  car  ce  blaspheme-  la  seroit  par  trop  enorme,  et  on  l'auroit  en  horreur:  mais  quoy  qu'il  en  soit,  l'Evangile  ne  leur  est  rien  au  pris  de  ce  qui  a  este  ordonne  par  les  saincts  Conciles,  par  nostro  mere  saincte  Eglise.  Et  mesmes  ils  n'ont  point  honte  de  dire  que  l'Evangile  et  toute  l'Escriture  saincte  est  comme  un  nez  de  cire,  qu'il  n'y  a  nulle  certitude  en  cela,  mais  qu'il  faut  avoir  toutes  les  resolutions  des  hommes.  Voila  comme  Iesus  Christ  est  mocque  avec  tout  opprobre.  Pensons  nous  que  telles  gens  nous  puissent  faire  a  croire  tout  ce  qu'ils  auront  ainsi  invente,  quand  ils  se  contredisent  si  manifestement?  Notons  donc  que  si  S.  Paul  s'est  ainsi  condamne  de  sa  propre  bouche,  quand  il  n'a  point  suivi  nostre  Seigneur  Iesus  Christ,  qu'il  n'y  aura  nulle  excuse  valable,  ne  qui  soit  de  mise  ne  de  recette  devant  Dieu,  sitost  qu'on  aura  decline  de  la  simplicite  de  l'Evangile.  Voila  en  somme  ce  que  nous  avons  a  retenir  de  ce  passage.  Or  notons  quant  et  quant  que  Dieu  a  desploye  une  grace  singuliere  en  sainct  Paul,  a  fin  qu'a  son  exemple  nous  cognoissions  que  c'est  par  sa  pure  bonte  et  gratuite  que  nous  avons  este  appelez  a  salut.  Et  au  reste,  que  si  nous  avons  este  poures  apostats,  qui  ayons  rompu  la  foy  de  nostre  Baptesme  a  nostre  Seigneur  Iesus  Christ,  que  nous  ne  laisserons  pas,  quoy  qu'il  en  soit,  d'estre  receus  a  merci,  moyennant  que  nous  confessions  franchement  et  sans  hypocrisie  qu'il  n'y  a  eu  en  nous  que  toute  confusion,  et  qu'il  faloit  bien  que  Dieu  y  remediast  d'une  bonte  admirable.  Yray  est  (comme  desia  nous  avons  touche)  que  sainct  Paul  estoit  repute  sainct  personnage  et  qu'on  pouvoit  dire  que  Dieu  avoit  accepte  ses  devotions,  et  qu'il  y  avoit  eu  quelque  bon  preparatif  en  luy:  mais  tout  cela  n'estoit  sinon  pour  le  retarder,  comme  desia  nous  avons  touche  du  troisieme  des  Philippiens,  quand  il  dit  qu'il  ne  pouvoit  apprehender  Iesus  Christ,  et  les  biens  incomprehensibles  qui  sont  en  luy,  iusques  a  ce  qu'il  ait  eu  en  abomination  tout  ce  qu'il  avoit  prise,  et  avoit  beaucoup  estime  auparavant,  comme  sa  sainctete  et  iustice.  Nous  voyons  donc  en  la  personne  de  sainct  Paul  comme  Dieu  a  besongne,  puis  qu'ainsi  est  qu'en  la  premiere  a  Timothee,  il  se  propose  pour  exemple  et  patron,  et  dit  que  Iesus  Christ  a  declare  en  luy,  comme  il  est  venu  pour  tous  les  poures  pecheurs,  a  fin  que  nous  ne  doutions  point  d'estre  receus  quand  nous  tiendrons  le  droit  chemin.  Qu'est-ce  que  le  franc-arbitre  a  fait  en  sainct  Paul  pour  l'amener  en  l'obeissance  de  l'Evangile?  Mais  il  a  falu  que  Dieu  ait  quasi  foudroye  du  ciel  pour  abolir  l'arrogance  et  presomption  qui  estoit  en  luy  :  il  n'est  pas  seulement  attire